ଭୁଲ ଇଂଜେକ୍ସନରୁ ଗୋଡ଼ ଅକାମୀ ! ୪ ବର୍ଷର ଶିଶୁକୁ ଧରି ଧାରଣାରେ ପରିବାର

ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ମେଡିକାଲ ପରିସରରେ ୪ ବର୍ଷର ଶିଶୁକୁ ଧରି ଧାରଣାରେ ପରିବାର। ସ୍ଥାନୀୟ ୧୭ ନମ୍ବର ୱାର୍ଡ ମାଟିଆ ଗ୍ରାମର ସୁବ୍ରତ ମଲ୍ଲିକ ଗତ ୨୩ ତାରିଖ ଦିନ ନିଜର ୪ ବର୍ଷର ପୁଅ ରୋହନକୁ ନେଇ ଥଣ୍ଡା ଜ୍ବରର ଚିକିତ୍ସା ଲାଗି ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ମେଡିକାଲକୁ ଆସିଥିଲେ l ସେଠାରେ ଡ୍ୟୁଟିରେ ଥିବା ଡ଼ାକ୍ତରଙ୍କ ଭୁଲ୍ ଇଞ୍ଜେକସନ ଯୋଗୁଁ ତାଙ୍କ ପୁଅର ଗୋଟେ ଗୋଡ ଅଚଳ ହୋଇଯାଇଥିବା ନେଇ ଅଭିଯୋଗ କରିଛନ୍ତି  । ଅନ୍ୟପଟେ ପୋଲିସ FIR ରଖୁନଥିବା ବେଳେ ଉପରିସ୍ଥ ଅଧିକାରୀଙ୍କ ହସ୍ତକ୍ଷେପ ପରେ FIR ରଖିଥିବା ନେଇ କହିଛନ୍ତି ଅଭିଯୋଗକାରୀ  ।ସୁବ୍ରତ ଓ ତାଙ୍କ ପରିବାର ଉପଯୁକ୍ତ ନ୍ୟାୟ ଦାବୀ ସହ ନିଜ ପୁଅକୁ ଠିକ୍ କରିବା ଦାବୀ ନେଇ ମେଡିକାଲ ଆଗରେ ଧାରଣା ବସି ରହିଛନ୍ତି