ଶ୍ରୀମନ୍ଦିର ପରିଚାଳନା କମିଟି ଗଠନକୁ ନେଇ ଉଠିଲା ପ୍ରଶ୍ନ

ଶ୍ରୀମନ୍ଦିର ପରିଚାଳନା କମିଟି ଗଠନକୁ ନେଇ ଉଠିଲା ପ୍ରଶ୍ନ । ଆଇନଗତ ଆଳ ଦେଖାଇ ବର୍ଷେ ହେଲା ଗଢା ହୋଇ ପାରି ନଥିଲା କମିଟି । ଏବେବି ହାଇକୋର୍ଟରେ ବିଚାରଧୀନ ରହିଛି ମାମଲା । ଏହା ସତ୍ତ୍ବେ କିପରି ପ୍ରକାଶ ପାଇଲା ବିଜ୍ଞପ୍ତି ? ଘଟଣା ପଛରେ ରାଜନୈତିକ ଗନ୍ଧ ବାରିଲେ ସେବାୟତ । ୨୦୨୪ ରଥଯାତ୍ରା ପରେ ସେପ୍ଟମ୍ବର ୩ ତାରିଖ ଦିନ ପୂର୍ବ ପରିଚାଳନା କମିଟିରେ ଅବଧିର ସରିଥିଲା କାର୍ଯ୍ୟକାଳ । ହେଲେ ଆଇନଗତ ଆଳ ଦେଖାଇ ଦିନ ଗଡ଼ାଇ ଚାଲିଥିଲେ ସରକାର । ଗତ ୨୬ ତାରିଖ ଦିନ ନୂତନ ପରିଚାଳନା କମିଟି ଗଠନ ନେଇ ବିଜ୍ଞପ୍ତି ପ୍ରକାଶ ପାଇଛି । ହାଇକୋର୍ଟରେ ମାମଲା ଥିବାବେଳେ ଏହି ନୂତନ କମିଟି ଗଠନ କିପରି କରାଗଲା ସେ ନେଇ ପ୍ରଶ୍ନ ଉଠାଇଛନ୍ତି ସେବାୟତ  ।

କମିଟି ଗଠନ ନାଁରେ ଏକବର୍ଷ ଧରି ନିଷ୍ପତ୍ତି ଝୁଲି ରହିଥିଲା । ଫଳରେ ଶ୍ରୀମନ୍ଦିରର ଅନେକ ସମସ୍ୟା ସମାଧାନ ହୋଇପାରୁ ନଥିଲା । ଏବେ ଗଠିତ ନୂତନ ଶ୍ରୀମନ୍ଦିର ପରିଚାଳନା କମିଟିରେ ବହୁ ମନୋନୀତ ସଦସ୍ୟ ବିଜେପି ସମର୍ଥୀତ ବୋଲି ଚର୍ଚ୍ଚା ହେଉଛି  । ତେଣୁ ଘଟଣା ପଛରେ ରାଜନୈତିକ ଅଭିସନ୍ଧିର ଗନ୍ଧ ବାରିହେଉଥିବା କହିଛନ୍ତି ସେବାୟତ ଓ ବୁଦ୍ଧିଜୀବୀ । ତେବେ ବିନା ପରିଚାଳନା କମିଟିରେ ୨୦୨୫ ବର୍ଷ ରେ ରଥଯାତ୍ରା ଅନୁଷ୍ଠିତ ହୋଇଥିବାରୁ ଏଥିରେ ଅନେକ ବିଶୃଙ୍ଖଳା ଦେଖାଦେଇଥିଲା  । ଏବେ ପରିଚାଳନା କମିଟି ଏଥିରେ କଣ ସୁଧାର ଆଣିବ ତାକୁ ନେଇ ବି ଚର୍ଚ୍ଚା ଆରମ୍ଭ ହୋଇଛି ।