ଅନଲାଇନ ଗେମିଂ ଆଇନ-୨୦୨୫କୁ ନେଇ ବିବାଦ

ଅନଲାଇନ ଗେମିଂ ଆଇନ-୨୦୨୫କୁ ନେଇ ବିବାଦ । ଆଇନ ବିରୋଧରେ ଅନଲାଇନ ଗେମିଂ କମ୍ପାନୀ ହେଡ ଡିଜିଟାଲ ଓ୍ବାର୍କସ ପକ୍ଷରୁ ଆଗତ ଏକ ପିଟିସନର ଶୁଣାଣି କରିବେ କର୍ଣ୍ଣାଟକ ହାଇକୋର୍ଟ । ହେଡ ଡିଜିଟାଲ ଓ୍ବାର୍କସ A23 ଗେମକୁ ପରିଚାଳିତ କରିଥାଏ । କିପରି ବ୍ରେଥଆନାଲାଇଜରକୁ ସଠିକ୍ କୁହାଯାଇପାରିବ ବୋଲି ଦର୍ଶାଇଛନ୍ତି ଆବେଦନକାରୀ । ଅନଲାଇନ ଗେମିଂ ଭାରତ ସହ ବିଦେଶରେ ବି ଚାଲିଛି । ବିନା କୌଣସି ସମୀକ୍ଷାରେ ଏହି ବିଲକୁ ଆଇନରେ ପରିଣତ କରାଯାଇଛି ବୋଲି କହିଛନ୍ତି ଆବେଦନକାରୀ । ଲୋକସଭାରେ ଏହି ବିଲ ଅଗଷ୍ଟ ୨୦ରେ ଓ ରାଜ୍ୟସଭାରେ ଅଗଷ୍ଟ ୨୧ରେ ଗୃହତୀ ହେବା ପରେ ଅଗଷ୍ଟ ୨୨ରେ ଆଇନରେ ପରିଣତ ହୋଇଥିଲା । ଏହି ଆଇନ ଯୋଗୁ ଦକ୍ଷତାଭିତ୍ତିକ ଗେମ୍ ଓ ସୁଯୋଗଭିତ୍ତିକ ଗେମ ମଧ୍ୟରେ ରହିଥିବା ବିଚାରବିଭାଗୀୟ ପାର୍ଥକ୍ୟର ଅନ୍ତ ଘଟିଥିଲା । କୌଣସି ପ୍ରକାର ଆର୍ଥିକ କାରବାର ସଂକ୍ରାନ୍ତ ଗେମକୁ ଆଇନରେ ନିଷିଦ୍ଧ କରାଯାଇଛି । ଏହି ଆଇନରେ ବି ଜାଣିଶୁଣି ଅପରାଧ ଓ ଜାମିନବିହୀନ ଅପରାଧର ବିଭକ୍ତିକରଣ କରାଯାଇଛି । ନୂଆ ଆଇନରେ ଆର୍ଥିକ କାରବାରକୁ ଗୁରୁତର ଅପରାଧ ଭାବେ ବିବେଚନା କରାଯାଇଛି । ଏହା ସହ ପୋଲିସ ବିନା ଓ୍ବାରେଣ୍ଟରେ ଗିରଫ କରିବା ସହ ସର୍ଚ୍ଚ ଅପରେସନ କରିପାରିବ ବୋଲି ବିଧି ରହିଛି । ନିଷିଦ୍ଧଘୋଷିତ ଗେମ୍ କ୍ଷେତ୍ରରେ ଆର୍ଥିକ କାରବାର କରିବାକୁ ବ୍ୟାଙ୍କ, ପେମେଣ୍ଟଭିତ୍ତିକ ସଂସ୍ଥା ତଥା ମାଧ୍ୟମଗୁଡିକୁ ବାରଣ କରାଯାଇଛି ।