କାହିଁକି ସି.ପି. ରାଧାକ୍ରିଷ୍ଣନଙ୍କୁ ଚୟନ କରିଛି ଏନଡିଏ ?

ନୂଆଦିଲ୍ଲୀ : ସି.ପି. ରାଧାକ୍ରିଷ୍ଣନ ଏନଡିଏ ଉପରାଷ୍ଟ୍ରପତି ପ୍ରାର୍ଥୀ ! ପ୍ରଶ୍ନ ଉଠୁଛି କେଉଁ କାରଣରୁ ରାଧାକ୍ରିଷ୍ଣନଙ୍କୁ ଏନଡିଏ କରିଛି ପ୍ରାର୍ଥୀ । ଆଞ୍ଚଳିକ ଭାରସାମ୍ୟ, ଆଦର୍ଶଗତ ଉତ୍ସ, ଜାତି, ମେଣ୍ଟ ଗଣିତ ଆଦିକୁ ଦୃଷ୍ଟିରେ ରଖି ଏହି ଚୟନ ହୋଇଥିବା ଚର୍ଚ୍ଚା ହେଉଛି । ଜଗଦୀପ ଧନଖଡ଼ଙ୍କ ପରେ ତାଙ୍କ ସ୍ଥାନ ଲାଗି ଅନେକ ବ୍ୟକ୍ତିଙ୍କ ନାଁ ଚର୍ଚ୍ଚାରେ ଥିଲା । ହେଲେ ସମସ୍ତଙ୍କୁ ଚମତ୍କୃତ କରି ରାଧାକ୍ରିଷ୍ଣନଙ୍କ ନାଁରେ ମୋହର ଲାଗିଥିଲା । ଯଦିଓ ଉପରାଷ୍ଟ୍ରପତି ହେବା ଲାଗି ରାଜ୍ୟପାଳ, କ୍ୟାବିନେଟ ମନ୍ତ୍ରୀ ପ୍ରମୁଖଙ୍କୁ ବଛାଯିବ ବୋଲି ସେପରି କୌଣସି ନିୟମ ନାହିଁ ତଥାପି ସରକାର ଏହାକୁ ଗୁରୁତ୍ବ ଦେଇଛନ୍ତି । ତେବେ ଆଞ୍ଚଳିକ ଭାରସାମ୍ୟ ପ୍ରତି ବର୍ତ୍ତମାନ ଗୁରୁତ୍ବ ଦିଆଯାଇଛି ।

୨୦୧୭ରେ ଉତ୍ତରପ୍ରଦେଶର ଦଳିତ ନେତା ରାମନାଥ କୋବିନ୍ଦଙ୍କୁ ବିଜେପି ରାଷ୍ଟ୍ରପତି କରିଥିଲା । ସେତେବେଳେ ଆନ୍ଧ୍ରପ୍ରଦେଶରୁ ଅର୍ଥାତ ଦକ୍ଷିଣଭାରତରୁ ଏମ. ଭେଙ୍କୟାନାଇଡୁଙ୍କୁ ଉପରାଷ୍ଟ୍ରପତି କରିଥିଲା । ୨୦୨୨ରେ ଓଡ଼ିଶାର ଆଦିବାସୀ ନେତ୍ରୀ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି କରାଯାଇଥିବା ବେଳେ ରାଜସ୍ଥାନର ଜାଟ୍ ନେତା ଧନଖଡଙ୍କୁ ଉପରାଷ୍ଟ୍ରପତି କରିଥିଲା । ଭୌଗୋଳିକ, ଜାତି ଓ ସମ୍ପ୍ରଦାୟକୁ ଗୁରୁତ୍ବ ଦେଇଥିଲା ବିଜେପି । ସଙ୍ଘ ପରିବାରର ସଦସ୍ୟ ନଥିବା ଧନଖଡ ଓ ପୂର୍ବତନ ରାଜ୍ୟପାଳ ସତ୍ୟପାଲ ମଲିକ ଯେପରି ଭାବେ ବିଜେପିକୁ ଅଡୁଆରେ ପକାଇଥିଲେ ସେଥିପ୍ରତି ସଜାଗ ରହି ବିଜେପି ଆରଏସଏସ ପରିବାର ସଦସ୍ୟମାନଙ୍କୁ ଭରସା କରୁଛି ।

ରାଧାକ୍ରିଷ୍ଣନଙ୍କୁ ଚୟନ ପଛର କାରଣ

-ରାଧାକ୍ରିଷ୍ଣନ ଜଣେ ପଛୁଆ ବର୍ଗ ଅର୍ଥାତ ଗୌଣ୍ଡର ସମ୍ପ୍ରଦାୟର ନେତା
-ଦକ୍ଷିଣ ଭାରତରେ ବିଜେପି ନିଜର ଭାବମୂର୍ତ୍ତି ଅଧିକ ସୁଦୃଢ କରିବ
-ରାଧାକ୍ରିଷ୍ଣନ ଆରଏସଏସର ଗୁଡ୍ ବୁକରେ ରହିଆସିଛନ୍ତି
-ତାମିଲନାଡୁ ବିଧାନସଭା ନିର୍ବାଚନକୁ ପ୍ରଭାବିତ କରାଯାଇପାରିବ
-ରାଜ୍ୟପାଳ ଭାବେ ରାଧାକ୍ରିଷ୍ଣନଙ୍କ ବିପୁଳ ଅଭିଜ୍ଞତା ରହିଛି
-ଝାଡ଼ଖଣ୍ଡ ରାଜ୍ୟପାଳ ଥିବାବେଳେ ସେ ୨୪ ଜିଲ୍ଲା ଗସ୍ତ କରିଥିଲେ
-କୋଏମ୍ବାଟୁରରୁ ୨ ଥର ଲୋକସଭାକୁ ଯାଇ ଅଭିଜ୍ଞତା ହାସଲ କରିଛନ୍ତି
-ତାମିଲନାଡୁ ବିଜେପି ମୁଖ୍ୟ ଭାବେ ୧୯ ହଜାର କିଲୋମିଟର ରଥଯାତ୍ରା କରିଥିଲେ
-ଦୀର୍ଘ ୪୦ ବର୍ଷର ରାଜନୈତିକ ଅଭିଜ୍ଞତା ରାଧାକ୍ରିଷ୍ଣନଙ୍କ ରହିଛି
-ଆରଏସଏସ ଓ ବିଜେପି ହାଇକମାଣ୍ଡଙ୍କ ବିଶ୍ବସ୍ତ ନେତା ରାଧାକ୍ରିଷ୍ଣନ

ସି.ପି. ରାଧାକ୍ରିଷ୍ଣନ କିଏ ?

-ମହାରାଷ୍ଟ୍ର ରାଜ୍ୟପାଳ ଅଛନ୍ତି ରାଧାକ୍ରିଷ୍ଣନ
-୨୦ ଅକ୍ଟୋବର ୧୯୫୭ରେ ତ୍ରିପୁରାରେ ଜନ୍ମ
-୨୦୨୪ ଜୁଲାଇ ୨୭ରେ ମହାରାଷ୍ଟ୍ର ରାଜ୍ୟପାଳ ଭାବେ ଦାୟିତ୍ବ ନେଇଥିଲେ
-ତେଲଙ୍ଗାନା, ଝାଡ଼ଖଣ୍ଡ ଓ ପୁଡୁଚେରୀର ଲେଫ୍ଟନାଣ୍ଟ ଗଭର୍ଣ୍ଣର ଥିଲେ
-ତାମିଲନାଡୁ ବାସିନ୍ଦା ଚନ୍ଦ୍ରପୁରମ ପୋନୁସାମୀ ରାଧାକ୍ରିଷ୍ଣନ
-ରାଧାକ୍ରିଷ୍ଣନଙ୍କ ରହିଛି ଦୀର୍ଘ ରାଜନୈତିକ କ୍ୟାରିଅର
-ଯୁବାବସ୍ଥାରୁ ଆରଏସଏସ ଓ ଜନସଂଘ ସହ ସମ୍ପର୍କିତ ଥିଲେ
-୧୯୯୬ ଓ ୧୯୯୮ରେ ଲୋକସଭାରେ ଦୁଇଥର ଲାଗି ସାଂସଦ ଥିଲେ
-କୋଏମ୍ବାଟୁରରୁ ୨ ଥର ଲୋକସଭା ସାଂସଦ ଥିଲେ
-ଜାତିସଙ୍ଘ ସାଧାରଣ ଆସେମ୍ବ୍ଲିରେ ଭାରତର ପ୍ରତିନିଧିତ୍ବ କରିଥିଲେ
-୨୦୦୪ରୁ ୨୦୦୭ ତାମିଲନାଡୁର ବିଜେପି ସଭାପତି ଥିଲେ
-୨୦୨୦ରେସେ କେରଳ ଲାଗି ବିଜେପି ପ୍ରଭାରୀ ହୋଇଥିଲେ