ବାବର ଆଜମ ଏବଂ ମହମ୍ମଦ ରିଜଓ୍ବାନଙ୍କୁ ସମାଲୋଚନା କଲେ ପାକିସ୍ତାନ ଅଧିନାୟକ

ନନ୍ଦିଘୋଷ ବ୍ୟୁରୋ: ଏସିଆକପରେ ଶୁକ୍ରବାରଠାରୁ ନିଜର ଅଭିଯାନ ଆରମ୍ଭ କରିବାକୁ ଯାଉଛି ପାକିସ୍ତାନ । ଓମାନ ବିପକ୍ଷରେ ନିଜର ପ୍ରଥମ ମ୍ୟାଚ ଖେଳିବ । ପରେ ଭାରତ ସହ ୧୪ ତାରିଖରେ ପାକିସ୍ତାନର କଡ଼ା ଟକ୍କର ହେବ । ମ୍ୟାଚ ଖେଳିବା ପୂର୍ବରୁ ସାମ୍ବାଦିକ ସମ୍ମିଳନୀରେ ନିଜର ଦେଶର ଖେଳାଳିଙ୍କୁ ସମାଲୋଚନା କରିଛନ୍ତି ଅଧିନାୟକ ସଲମାନ । ସେ କହିଛନ୍ତି କି, ଏବେକାର ଟିମ ବାବର ଆଜମଙ୍କ ଟିମଠାରୁ ଭିନ୍ନ । ବାବରଙ୍କ ଅଧିନାୟକତ୍ବ ଦଳ ଦୁଇବର୍ଷ ବହୁତ ଖରାପ କ୍ରିକେଟ ଖେଳିଛି । ୨୦୨୩ରୁ୨୫ ମଧ୍ୟରେ ଆମେ ଯେଭଳି କ୍ରିକେଟ ଖେଳିଛୁ ଲୋକମାନେ ଆମକୁ ଟ୍ରୋଲ କରିଛନ୍ତି । ଏପରିକି ଏବେ ମଧ୍ୟ ମୋତେ ଯେଭଳି ଟ୍ରୋଲ କରାଯାଉଛି, କେହି ଭଲ କହିଲେ ମଧ୍ୟ କିଛି ଫରକ ପଡ଼ୁନାହିଁ ।

ଟି-୨୦ରେ ଆମ ଦଳର ପ୍ରଦର୍ଶନ ବହୁତ ଖରାପ ରହିଥିଲା । ବାବର ଏବଂ ରିଜଓ୍ବାନଙ୍କ ଧିର ବ୍ୟାଟିଂ ଟି-୨୦ରେ ପ୍ରଶ୍ନବାଚୀ ସୃଷ୍ଟି କରିଥିଲା । ଯେଉଁ କାରଣରୁ ଦଳରୁ ବାହାରକୁ ଯିବାର ବାଟ ଦେଖା ହୋଇଥିଲା । ସେମାନଙ୍କ ଲାଗି ୨୦୨୪ ବିଶ୍ବକପରେ ପାକିସ୍ତାନ ଲିଗ ପର୍ଯ୍ୟାୟରୁ ବାଦ ପଡ଼ିଥିଲା । ଆମର ଭବିଷ୍ୟତ ପିଢ଼ି ଆଗକୁ ଆହୁରି ଭଲ କ୍ରିକେଟ ଖେଳିବେ ବୋଲି ସେ କହିଛନ୍ତି । ସଲମାନ ଅଲି ଆଗାଙ୍କ ଅଧିନାୟକତ୍ୱରେ ପାକିସ୍ତାନର ପ୍ରଦର୍ଶନ ଭଲ ରହିଛି। ଦଳ ଖେଳ ପ୍ରତି ନିଜର ଆଭିମୁଖ୍ୟ ମଧ୍ୟ ବଦଳାଇଛି। ଯାହା ଯୋଗୁଁ ପାକିସ୍ତାନର କିମ୍ବଦନ୍ତୀ ୱାସିମ ଆକ୍ରମ ମଧ୍ୟ ତାଙ୍କର ପ୍ରଶଂସା କରିଛନ୍ତି। ନିକଟରେ, ୱାସିମ ଆକ୍ରମ ସଲମାନ ଆଗାଙ୍କ ବିଷୟରେ କଥା ହୋଇ କହିଥିଲେ, ‘ସଲମାନ ଅଲି ଆଗାଙ୍କ ବିଷୟରେ ଭଲ କଥା ହେଉଛି ଯେ ସେ ଜଣେ ନିଃସ୍ୱାର୍ଥପର ଅଧିନାୟକ, ଯିଏ ଦଳ ପାଇଁ ନିଜକୁ ବଳିଦାନ ଦେଇଛନ୍ତି, ସେ ଜଣେ ଭଲ ଅଧିନାୟକ ହୋଇପାରିବେ।’