ଉପରାଷ୍ଟ୍ରପତି ଭାବେ ଶପଥ ନେଲେ ସିପି ରାଧାକ୍ରିଷ୍ଣନ

ନନ୍ଦିଘୋଷ ବ୍ୟୁରୋ : ଉପରାଷ୍ଟ୍ରପତି ଭାବେ ଶପଥ ନେଲେ ସିପି ରାଧାକ୍ରିଷ୍ଣନ। ୧୫ତମ ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ ନେଲେ ଶପଥଗ୍ରହଣ। ରାଷ୍ଟ୍ରପତି ଭବନରେ ଶପଥ ସମାରୋହର ଆୟୋଜନ ହୋଇଥଲା। ସମାରୋହରେ ଅନେକ ପ୍ରମୁଖ ବ୍ୟକ୍ତି ସାମିଲ ହୋଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଏଥିରେ ସାମିଲ ହୋଇଥିଲେ। ପୂର୍ବତନ ଉପରାଷ୍ଟ୍ରପତି ଜଗଦୀପ ଧନଖଡ଼ ମଧ୍ୟ ଶପଥ ସମାରୋହରେ ଯୋଗ ଦେଇଥିଲେ। ଶପଥ ସମାରୋହରେ ଏନଡିଏର ଅନେକ ପ୍ରମୁଖ ନେତା ମଧ୍ୟ ଯୋଗ ଦେଇଥିଲେ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଉପରାଷ୍ଟ୍ରପତି ସିପି ରାଧାକ୍ରିଷ୍ଣନଙ୍କୁ ଶପଥପାଠ କରାଇଥିଲେ।…ଜଣେ ପଛୁଆ ବର୍ଗ ଗୌଣ୍ଡର ସମ୍ପ୍ରଦାୟର ନେତା ହେଉଛନ୍ତି ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ। ମହାରାଷ୍ଟ୍ର ରାଜ୍ୟପାଳ ଥିଲେ ରାଧାକ୍ରିଷ୍ଣନ।

୨୦ ଅକ୍ଟୋବର ୧୯୫୭ରେ ତିରୁପୁରରେ ତାଙ୍କର ଜନ୍ମ। ୨୦୨୪ ଜୁଲାଇ ୨୭ରେ ମହାରାଷ୍ଟ୍ର ରାଜ୍ୟପାଳ ଭାବେ ଦାୟିତ୍ବ ନେଇଥିଲେ। ଉପରାଷ୍ଟ୍ରପତି ଭାବେ ନିର୍ବାଚିତ ହେବା ପରେ ରାଜ୍ୟପାଳ ପଦରୁ ଇସ୍ତଫା ଦେଇଥିଲେ ସିପି ରାଧାକ୍ରିଷ୍ଣନ। ତେଲଙ୍ଗାନା, ଝାଡ଼ଖଣ୍ଡ ଓ ପୁଦୁଚେରୀର ଲେଫ୍ଟନାଣ୍ଟ ଗଭର୍ଣ୍ଣର ମଧ୍ୟ ଥିଲେ। ତାମିଲନାଡୁର ବାସିନ୍ଦା ଚନ୍ଦ୍ରପୁରମ ପୋନୁସାମୀ ରାଧାକ୍ରିଷ୍ଣନ।

ରାଧାକ୍ରିଷ୍ଣନଙ୍କ ରହିଛି ଦୀର୍ଘ ରାଜନୈତିକ କ୍ୟାରିଅର। ଯୁବାବସ୍ଥାରୁ ଆରଏସଏସ ଓ ଜନସଂଘ ସହ ସେ ଜଡ଼ିତ। ୧୯୯୬ ଓ ୧୯୯୮ରେ ଲୋକସଭାରେ ଦୁଇଥର ଲାଗି ସାଂସଦ ଭାବେ ନିର୍ବାଚିତ ହୋଇଥିଲେ। କୋଏମ୍ବାଟୁରରୁ ୨ ଥର ଲୋକସଭା ସାଂସଦ ନିର୍ବାଚିତ ହୋଇଛନ୍ତି। ଜାତିସଙ୍ଘ ସାଧାରଣ ଆସେମ୍ବ୍ଲିରେ ଭାରତର ପ୍ରତିନିଧିତ୍ବ କରିଥିଲେ। ୨୦୦୪ରୁ ୨୦୦୭ ତାମିଲନାଡୁର ବିଜେପି ସଭାପତି ଥିଲେ। ୨୦୨୦ରେ କେରଳରେ ବିଜେପି ପ୍ରଭାରୀ ହୋଇଥିଲେ ସିପି ରାଧାକ୍ରିଷ୍ଣନ।