ବିହାରର ପ୍ରଥମ ପର୍ଯ୍ୟାୟ ନିର୍ବାଚନ ଲାଗି ଆଜି ବିଜ୍ଞପ୍ତି ; ନଭେମ୍ବର ୬ରେ ନିର୍ବାଚନ

ନନ୍ଦିଘୋଷ ବ୍ୟୁରୋ: ବିହାରର ପ୍ରଥମ ପର୍ଯ୍ୟାୟ ନିର୍ବାଚନ ଲାଗି ଆଜି ଜାରି ହେବ ବିଜ୍ଞପ୍ତି । ପ୍ରଥମ ପର୍ଯ୍ୟାୟରେ ହେବ ୧୨୧ ବିଧାନସଭା ଆସନ ଲାଗି ନିର୍ବାଚନ। ପ୍ରାର୍ଥିପତ୍ର ଦାଖଲର ଶେଷ ତାରିଖ ରହିଛି ଅକ୍ଟୋବର ୧୭ । ପ୍ରାର୍ଥିପତ୍ର ଯାଞ୍ଚ ତାରିଖ ରହିଛି ଅକ୍ଟୋବର ୧୮ । ପ୍ରାର୍ଥିପତ୍ର ପ୍ରତ୍ୟାହାରର ଶେଷ ତାରିଖ ଅକ୍ଟୋବର ୨୦। ପ୍ରଥମ ପର୍ଯ୍ୟାୟ ନିର୍ବାଚନ ହେବ ନଭେମ୍ବର ୬ରେ। ଆସନ୍ତା ନଭେମ୍ବର ୧୪ ତାରିଖରେ ଆସିବ ଫଳ ।

ବିହାରର ୨୪୩ ଆସନ ଲାଗି ହେବ ନିର୍ବାଚନ । ମୋଟ ମତଦାତା ୭ କୋଟି ୪୨ ଲକ୍ଷ ରହିଛନ୍ତି । ୧୪ ଲକ୍ଷ ଭୋଟର ପ୍ରଥମ ଥର ଲାଗି ଭୋଟ ଦେବେ। ବିହାରରେ ରହିଛି ମୋଟ ୪୦ଟି ସଂରକ୍ଷିତ ଆସନ । ୩୮ଟି ଏସସି ସିଟ ଓ ୨ଟି ଏସଟି ସିଟ । ୯୦ ହଜାର ୭୧୨ ପୋଲିଂ ଷ୍ଟେସନ ରହିଥିବାବେଳେ ପ୍ରତି ପୋଲିଂ ଷ୍ଟେସନରେ ହେବ ୱେବକାଷ୍ଟିଂ । ବିହାରରେ ପୁରୁଷ ଭୋଟର ୩. ୯ କୋଟି, ମହିଳା ଭୋଟର ୩.୫ କୋଟି ରହିଛନ୍ତି । ନୂଆ ଭୋଟରଙ୍କ ଲାଗି ଜାରି ହେବ ନୂଆ ଭୋଟର କାର୍ଡ । ପୋଲିଂ ବୁଥ ଭିତରକୁ ମୋବାଇଲ ମନା କରାଯିବ । ରାଜ୍ୟରେ ଶତାୟୁ ଭୋଟର ୧୪ ହଜାରରୁ ଅଧିକ ।