ନନ୍ଦିଘୋଷ ବ୍ୟୁରୋ: ଦୁର୍ବଳ ହେଲା ଭୀଷଣ ବାତ୍ୟା ମୋନ୍ଥା। ଆନ୍ଧ୍ରପ୍ରଦେଶ ଉପକୂଳ ଦେଇ ଗତି କରିବା ପରେ ଏହା ଦୁର୍ବଳ ହୋଇ ବାତ୍ୟାରେ ପରିଣତ ହୋଇଛି। ବିଭିନ୍ନ ଉପକୂଳ ଜିଲ୍ଲାରେ ସାମାନ୍ୟ ଅଧିକ ବେଗରେ ପବନ ବହିବା ପରିଲକ୍ଷିତ ହୋଇଛି। ଗତ ୬ ଘଣ୍ଟା ଧରି ଏହା ୧୫ କିଲୋମିଟର ବେଗରେ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରୁଛି। ଗୋପାଳପୁରଠାରୁ ୪୬୦ କିଲୋମିଟର ଦୂରରେ ରହିଛି ମୋନ୍ଥା। ଆନ୍ଧ୍ର ଉପକୁଳର ମଛଲିପାଟ୍ଟନମ ଓ କଳିଙ୍ଗପାଟ୍ଟନମ ମଧ୍ୟରେ ରାତି ସାଢ଼େ ୧୧ଟାରୁ ସାଢ଼େ ୧୨ଟା ମଧ୍ୟରେ ସ୍ଥଳଭାଗ ଛୁଇଁଥିଲା ବାତ୍ୟା। କାକିନାଡ଼ାର ଦକ୍ଷିଣରେ ନରସାପୁର ନିକଟରେ ସ୍ଥଳଭାଗ ଛୁଇଁଥିଲା ଭୀଷଣ ବାତ୍ୟା ମୋନ୍ଥା। ସ୍ଥଳଭାଗ ଛୁଇଁବା ପରେ ଦୁର୍ବଳ ହୋଇଥିଲା ବାତ୍ୟା। ଥଣ୍ଡା ଜଳୀୟବାଷ୍ପ ପ୍ରଭାବରେ ସ୍ଥଳ ଭାଗରେ ଦୁର୍ବଳ ହୋଇଯାଇଥିଲା ବାତ୍ୟା। ବାୟୁମଣ୍ଡଳରେ ଆବଶ୍ୟକ ତାତି ନପାଇବାରୁ ବଳ ଗୋଟାଇ ପାରିଲାନି ବାତ୍ୟା। ବାତ୍ୟା ପ୍ରଭାବରେ କିଛି ଆନ୍ଧ୍ରର କିଛି ସ୍ଥାନରେ ଗଛ ଭାଙ୍ଗିଛି। ପଶ୍ଚିମ ଗୋଦାବରୀ, କ୍ରିଷ୍ଣା, ପୂର୍ବ ଗୋଦାବରୀ ଜିଲ୍ଲାରେ ବର୍ଷା ହୋଇଥିବା ଜଣାଯାଇଛି।
