ନନ୍ଦିଘୋଷ ବ୍ୟୁରୋ : କଟକ ଐତିହାସିକ ବାଲିଯାତ୍ରାର ଆଜି ହେଉଛି ଷଷ୍ଠ ଦିନ। କିଣାବିକା ସହ ଚଟପଟି ଖାଦ୍ୟର ମଜା ଲୁଟିବାକୁ ପରିବାର ସହ ଛୁଟି ଆସୁଛନ୍ତି ଲୋକେ । ଗତକାଲି ରବିବାର ଥିବାରୁ ଆମିଷ ଷ୍ଟଲ ସମେତ ବିଭିନ୍ନ ଖାଦ୍ୟ ସାମଗ୍ରୀ ଦୋକାନରେ ଭିଡ଼ି ଜମିଥିବା ଦେଖିବାକୁ ମିଳିଥିଲା। ଚଳିତବର୍ଷ ଯାତ୍ରାର ଆକର୍ଷଣ ସାଜିଛି ଓରମାସର କାଶ୍ମୀର ସଲ୍। କାଶ୍ମୀର ଶ୍ରୀନଗର ଅଞ୍ଚଳରୁ ଏହି ଶାଲ୍ ଆଣିଛନ୍ତି ବ୍ୟବସାୟୀ । ଦେଢ଼ଲକ୍ଷ ଟଙ୍କା ଯାଏଁ ଏଠାରେ ସାଲ ଉପଲବ୍ଧ ହେଉଛି ।କଶ୍ମୀନ ଉଲରେ ବୁଣା ଯାଇଥିବା ଏହି ସାଲର ଚାହିଦା ଅଧିକ ଥିବା କହିଛନ୍ତି ବ୍ୟବସାୟୀ। ଚଳିତବର୍ଷ ତଳ ପଡ଼ିଆରେ ଖଚାଖଚ ଭିଡ଼ ଜମୁଥିବାବେଳେ ଉପର ପଡ଼ିଆ ଖାଁ ଖାଁ ପଡ଼ିଛି । ଚଳିତବର୍ଷ ୨ହଜାର ୬ଶହ ଷ୍ଟଲ ପଡ଼ିଛି । ପ୍ରତ୍ୟେକ ଦିନ ବଲିଉଡ ଓ ଓଲିଉଡ କଳାକାର ଧୁମ ମଚାଉଛନ୍ତି । ଆଜି ମଧ୍ୟ ସଂଧ୍ୟା ନଇଁଲେ ଭିଡ଼ ଜମିବ। ସୁରକ୍ଷିତ ସଚେତନ ରହି ଯାତ୍ରାକୁ ଉପଭୋଗ କରିବାକୁ ଲୋକଙ୍କୁ ଅପିଲ କରିଛି ପ୍ରଶାସନ।
