ଗୋଟିଏ ଦିନ ବଢ଼ିଲା କଟକ ବାଲିଯାତ୍ରା ଅବଧି, ୧୩ ତାରିଖରେ ଉଦଯାପନ
ନନ୍ଦିଘୋଷ ବ୍ୟୁରୋ: ଆଜି ସରିବାକୁ ଥିବା ଐତିହାସିକ କଟକ ବାଲିଯାତ୍ରାର ଅବଧି ଆଉ ଗୋଟିଏ ଦିନ ବୃଦ୍ଧି କରାଯାଇଛି । ଆଜି ଅର୍ଥାତ ୧୨ ତାରିଖ ବଦଳରେ ଆସନ୍ତାକାଲି ୧୩ ତାରିଖରେ ହେବ ଉଦଯାପିତ । ଏନେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଘୋଷଣା କରିଛନ୍ତି ।
ବାଲିଯାତ୍ରା ପ୍ରତି ସାଧାରଣ ଲୋକଙ୍କ ଆକର୍ଷଣ ଓ ଆଗ୍ରହ ତଥା ମେଳାରେ ବ୍ୟବସାୟୀଙ୍କ କାରବାରକୁ ନଜରରେ ରଖି ମୁଖ୍ୟମନ୍ତ୍ରୀ ଏହାର ଅବଧି ବୃଦ୍ଧି କରିଛନ୍ତି । ସେପଟେ ବାଲିଯାତ୍ରାରେ ଦିନକୁ ଦିନ ଲୋକଙ୍କ ଗହଳି ବଢ଼ିବାରେ ଲାଗିଛି । ଲୋକେ ଖାଇବା, ପିଇବାର ମଜା ନେବା ସହ ମୀନାବଜାରରେ ମନ ଭରି କିଣିକିଣି କରୁଛନ୍ତି । ଏହାସହ ବିଭିନ୍ନ ପ୍ରକାରର ଦୋଳି ଓ ଅନ୍ୟ ଖେଳ ଲାଗିଥିବା ସ୍ଥାନରେ ଲୋକଙ୍କ ଭିଡ଼ ଲାଗୁଛି । ସେହିପରି ଘୋଡ଼ା ଓ ଓଟରେ ମହାନଦୀର ବାଲୁକା ରାଶିରେ ବୁଲିବାର ମଜା ବି ଭରପୁର ଉଠାଉଛନ୍ତି ଲୋକେ ।
