ଦିଲ୍ଲୀ ବିସ୍ଫୋରଣ: ଅଲ ଫଲାହ ବିଶ୍ବବିଦ୍ୟାଳୟର ଡକ୍ଟର ହାସନ ନିଖୋଜ
ନନ୍ଦିଘୋଷ ବ୍ୟୁରୋ: ଦିଲ୍ଲୀ ବିସ୍ଫୋରଣ ଘଟଣା ପରେ ଅଲ-ଫଲାହ ବିଶ୍ୱବିଦ୍ୟାଳୟର ଜଣେ ଡାକ୍ତର ଡ. ହାସନ ନିଖୋଜ ଥିବା ଜଣାପଡିଛି । ଶ୍ରୀନଗରରେ ଏକ ସରକାରୀ ହସ୍ପିଟାଲର ପୂର୍ବତନ ସହାୟକ ପ୍ରଫେସର ଥିଲେ ଡାକ୍ତର ନିସାର-ଉଲ-ହାସନ । ୨୦୨୩ ମସିହାରେ ଦେଶ ବିରୋଧୀ କାର୍ଯ୍ୟକଳାପ ପାଇଁ ଜମ୍ମୁ-କାଶ୍ମୀର ସରକାର ତାଙ୍କୁ ବହିଷ୍କାର କରିଥିଲେ । ସୋମବାର ଦିଲ୍ଲୀର ଲାଲକିଲ୍ଲା ନିକଟରେ ହୋଇଥିବା କାର ବିସ୍ଫୋରଣ ପରେ ଡାକ୍ତର ହାସନ ନିଖୋଜ ହୋଇଯାଇଛନ୍ତି ।
ଡାକ୍ତର ହାସନ ହରିୟାଣା ଫରିଦାବାଦ ଜିଲ୍ଲାର ଅଲ-ଫଲାହ ବିଶ୍ୱବିଦ୍ୟାଳୟରେ ନିଯୁକ୍ତ ହୋଇଥିଲେ । ତଦନ୍ତକାରୀ ସଂସ୍ଥା ଡାକ୍ତରଙ୍କ ଏହି ନେଟୱର୍କ ସହ ଲାଲକିଲ୍ଲା ମେଟ୍ରୋ ଷ୍ଟେସନ ନିକଟରେ ହୋଇଥିବା ବିସ୍ଫୋରଣ ମଧ୍ୟରେ ଲିଙ୍କ ଖୋଜୁଥିବାରୁ ସେ ସନ୍ଦେହ ଘେରକୁ ଆସିଛି । ସେପଟେ ଅଲ୍-ଫଲାହ ବିଶ୍ୱବିଦ୍ୟାଳୟ ତଦନ୍ତକାରୀ ସଂସ୍ଥାକୁ ସମସ୍ତ ସହଯୋଗ କରିବ ବୋଲି ବିବୃତ୍ତି ଜାରି କରି କହିଛି ।
