ବିହାର ନିର୍ବାଚନ ସହ ୬ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳ ଜମ୍ମୁ କଶ୍ମୀରକୁ ମିଶାଇ ୮ଟି ବିଧାନସଭା ଆସନ ପାଇଁ ଉପନିର୍ବାଚନ ହୋଇଥିଲା । ଜମ୍ମୁ କଶ୍ମୀରର ଦୁଇଟି ବିଧାନସଭା ଆସନ ପାଇଁ ଭୋଟିଂ ହୋଇଥିଲା । ତେବେ ବିହାରରେ ଜେଡିୟୁ-ବିଜେପି ମେଣ୍ଟ ୨୦୦ରୁ ଅଧିକ ଆସନରେ ଅଗ୍ରଣୀ ଲାଭ କରିବା ସହ ରାଜ୍ୟରେ ସରକାର ଗଠନ କରିବା ଏକ ପ୍ରକାର ସ୍ପଷ୍ଟ ହୋଇସାରିଛି ।
ଅନ୍ୟପକ୍ଷରେ, ରାଜ୍ୟସ୍ଥାନର ଆନ୍ତା ଉପନିର୍ବାଚନରେ କଂଗ୍ରେସ ପ୍ରାର୍ଥୀ ପ୍ରମେଦ ଜୈନ ‘ଭାୟା’ ୧୫,୬୧୨ ଖଣ୍ଡ ଭୋଟରେ ବିଜୟୀ ହୋଇଛନ୍ତି । ବିଜେପି ପ୍ରାର୍ଥୀ ମୋରପାଲ ସୁମନ ୫୩,୯୫୯ ଖଣ୍ଡ ଭୋଟ ପାଇ ପରାଜିତ ହୋଇଛନ୍ତି ।
ପଞ୍ଜାବର ତାରନ ତରନ ଉପନିର୍ବାଚନରେ ଆପ୍ ପ୍ରାର୍ଥୀ ହରମୀତ ସିଂ ସାନ୍ଧୁ ୧୨,୦୯୧ ଖଣ୍ଡ ଭୋଟରେ ବିଜୟୀ ହୋଇଛନ୍ତି । ଶିରୋମଣି ଅକାଳୀ ଦଳ ପ୍ରାର୍ଥୀ ସୁଖବିନ୍ଦର କୌର୩୦,୫୫୮ ଖଣ୍ଡ ଭୋଟ ପାଇଛନ୍ତି ।
ମିଜୋରାମର ଡାମ୍ପା ଉପନିର୍ବାଚନରେ ମିଜୋ ନ୍ୟାସନାଲ ଫ୍ରଣ୍ଟ ପ୍ରାର୍ଥୀ ୫୬୨ ଖଣ୍ଡ ଭୋଟରେ ଜିତିଛନ୍ତି । ଜୋରାମ ପିପୁଲ୍ସ ମୁଭମେଣ୍ଟ ପ୍ରାର୍ଥୀ ଭାନଲାଲସୈଲୋଭା ୬,୪୧୯ ଖଣ୍ଡ ଭୋଟ ପାଇଛନ୍ତି ।
