ନନ୍ଦିଘୋଷ ବ୍ୟୁରୋ : ମେକ୍ସିକୋରେ ପୁଣି ତେଜିଲା ଜେନ୍ ଜି ଆନ୍ଦୋଳନ। ଜଣେ ମେୟରଙ୍କ ହତ୍ୟାର ପ୍ରତିବାଦରେ ରାସ୍ତାକୁ ଓହ୍ଲାଇଛନ୍ତି ହଜାର ହଜାର ସଂଖ୍ୟାରେ ଆନ୍ଦୋଳନକାରୀ। ସରକାରକୁ ବିରୋଧ କରି ରାଜରାସ୍ତାକୁ ଓହ୍ଲାଇଛନ୍ତି ହଜାର ହଜାର ସଂଖ୍ଯାରେ ଯୁବକ। ଦେଶରେ ଲାଗି ରହିଥିବା ଦୁର୍ନୀତି, ଅପରାଧ ଓ ଭ୍ରଷ୍ଟାଚାର ବିରୋଧରେ ଆନ୍ଦୋଳନ ତୀବ୍ର ହୋଇଛି। ଦୁର୍ନୀତି, ଅପରାଧ ବିରୋଧରେ ହଜାର ହଜାର ଯୁବକ ମେକ୍ସିକୋରେ ରାସ୍ତାକୁ ଶୋଭାଯାତ୍ରା କରିଥିଲେ। ଏହି ପ୍ରଦର୍ଶନରେ ଅଧିକ ସଂଖ୍ଯାରେ ଯୁବବର୍ଗ ସାମିଲ ହୋଇଛନ୍ତି।
ସରକାରଙ୍କ ବିରୋଧରେ ଶାନ୍ତିପୂର୍ଣ୍ଣ ଆନ୍ଦୋଳନ କରିଛନ୍ତି ଲୋକେ। କିଛି ସ୍ଥାନରେ ପୋଲିସ ସହ ମୁହାଁମୁହଁ ହୋଇଥିଲେ ଆନ୍ଦୋଳନକାରୀ। ମେକ୍ସିକୋ ସହରରରେ ସରକାର ବିରୋଧୀ ଶୋଭାଯାତ୍ରା ସମୟରେ ପ୍ରଦର୍ଶନକାରୀ ପୋଲିସ ବିରୁଦ୍ଧରେ ଏକାଠି ହୋଇଥିଲେ। ପୋଲିସ ସହ ମୁହାଁମୁହିଁ ହୋଇ ୧୨୦ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ଶହେରୁ ଅଧିକ ପୋଲିସ କର୍ମଚାରୀ ରହିଛନ୍ତି। ବିକ୍ଷୋଭକାରୀମାନେ ପଥର, ବାଣ, ଲାଠି ଏବଂ ଲୁହା ଚେନ ସାହାଯ୍ୟରେ ପୋଲିସ ଉପରେ ଆକ୍ରମଣ କରିଥିଲେ।
ପୋଲିସ ଆନ୍ଦୋଳନକାରୀଙ୍କ ଠାରୁ ଢାଲ ଏବଂ ଅନ୍ୟାନ୍ୟ ଉପକରଣ ଛଡ଼ାଇ ନେଇଥିଲେ। ୪୦ ଆନ୍ଦୋଳନକାରୀଙ୍କୁ ଗିରଫ କରିଛି ପୋଲିସ। ଏହା ପୂର୍ବରୁ ମଧ୍ୟ ମେକ୍ସିକୋରେ ଜେନଜି ଆନ୍ଦୋଳନ ଦେଖାଦେଇଥିଲା । ଚଳିତ ବର୍ଷ ବିଶ୍ଵର ଅନେକ ଦେଶରେ ଜେନଜି ଆନ୍ଦୋଳନ ମୁଣ୍ଡ ଟେକିଛି। ୧୯୯୦ ଦଶକର ଶେଷ ଏବଂ ୨୦୧୦ ଦଶକର ପ୍ରାରମ୍ଭରେ ଏହି ଜେନଜି ଆନ୍ଦୋଳନର ସୂତ୍ରପାତ ହୋଇଥିଲା। ଅସମାନତା, ଗଣତାନ୍ତ୍ରିକ ବ୍ୟବସ୍ଥା ଫେଲ ସହ ଦୁର୍ନୀତି ବିରୁଦ୍ଧରେ ପ୍ରତିବାଦ ସଂଗଠିତ ହୋଇଥିଲା।
