ସରୁନି ଚାଷୀ ସମସ୍ୟା । ବୌଦ୍ଧ ଜିଲ୍ଲା କଣ୍ଟାମାଳରେ ଖରିଫ ଧାନ କିଣାକୁ ନେଇ ଦ୍ଵନ୍ଦ୍ବ । କଣ୍ଟାମାଳ ବ୍ଲକରେ ୫୦ ପ୍ରତିଶତ ଧାନ କଟା ସରିଲାଣି । ଆଉ ୨ ସପ୍ତାହ ଭିତରେ ଶତ ପ୍ରତିଶତ ଧାନ ଚାଷୀ ଅମଳ କରିଦେବେ । ହେଲେ ବର୍ତ୍ତମାନ ସୁଦ୍ଧା ଜିଲ୍ଲା ସ୍ତରୀୟ ଧାନ କ୍ରୟ କମିଟିର ବୈଠକ ବସିନାହିଁ । କେବେ ଖୋଲିବ ମଣ୍ଡି ? କେବେ ଚାଷୀ ମଣ୍ଡିରେ ଧାନ ବିକ୍ରି କରିବେ ତାକୁ ନେଇ ଦେଖାଦେଇଛି ଅନିଶ୍ଚିତତା । ବର୍ତ୍ତମାନ ସୁଦ୍ଧା ଚାଷୀଙ୍କ ମୋବାଇଲକୁ ଟୋକନ ମେସେଜ ବି ଆସିନାହିଁ । ଯାହାକୁ ନେଇ ଚିନ୍ତାରେ ଚାଷୀ ।…
ବାଇଟ- ୧- ଗଣେଶ ବସ୍ତିଆ, ଚାଷୀ
ବାଇଟ- ୨- ରାଜେନ୍ଦ୍ର ଭୋଇ, ଚାଷୀ
ଭିଓ୨- ଅନ୍ୟପଟେ ଅମଳ ଧାନକୁ ସାଇତି ରଖିବାକୁ ଚାଷୀଙ୍କ ପାଖରେ ଧାନ ବସ୍ତା କି ଗୋଦାମ ଘର ବି ନାହିଁ । ଫଳରେ ଅମଳ ଧାନକୁ ଖଳାରେ ଗଦା କରି ରଖିଛନ୍ତି ଚାଷୀ । ଅଦିନିଆ ବର୍ଷା ଓ କାକରରେ ଧାନ ଭିଜି ନଷ୍ଟ ହୋଇଯିବା ଆଶଙ୍କା ରହୁଛି । ଖାଲି ଏତିକି ନୁହେଁ ଧାନ ଚୋରି ହୋଇଯିବା ଭୟରେ ଜୀବନକୁ ବାଜି ଲଗାଇ ଚାଷୀ ରାତିରେ ଖଳାରେ ଜଗିବସୁଛନ୍ତି । ଏପରି ସ୍ଥିତିରେ ଧାର ଉଧାର କରି ଚାଷ କରିଥିବା ଚାଷୀଙ୍କୁ ସାହୁକାର ମାନେ ଅସ୍ତବ୍ୟସ୍ତ କରିଦେଲେଣି । ଫଳରେ କିଛି ଚାଷୀ ଦଲାଲଙ୍କୁ ଶାଗମାଛ ଦରରେ ଧାନ ବିକି କ୍ଷତି ସହିଲେଣି । ତେଣୁ ନଭେମ୍ବର ଶେଷ ସପ୍ତାହ ସୁଦ୍ଧା ମଣ୍ଡି ଖୋଲିବାକୁ ଚାଷୀମାନେ ଦାବି କରିଛନ୍ତି । ସେପଟେ ଆସନ୍ତା ୨୧ ତାରିଖରେ ଧାନକିଣା କମିଟି ବୈଠକ ବସିବ ଓ ସମସ୍ତ ନିଷ୍ପତି ନିଆଯିବ ବୋଲି କହିଛନ୍ତି ସିଏସଓ l
ସରୁନି ଚାଷୀ ସମସ୍ୟା: ଡେରିରେ ମଣ୍ଡି ଖୋଲିବା ପାଲଟିଛି ଚାଷୀଙ୍କ ଚିନ୍ତାର କାରଣ
