ବସ୍ତି, ବିସ୍ଥାପନ ଓ ବୁଲଡୋଜର। ଦ୍ଵିତୀୟ ଦିନରେ ସାଲିଆ ସାହିରେ ବି ଉଚ୍ଛେଦ । ମାଟିରେ ମିଶିଲା ଦୁଇ ଦିନରେ 400 ଘର। ବାସହରା ବସ୍ତି ବାସିନ୍ଦା । ଭଙ୍ଗା ଘରେ ଖୋଜୁଛନ୍ତି ଭବିଷ୍ୟତର ସ୍ୱପ୍ନ । ଖୋଲା ପଡିଆ, ମୁଣ୍ଡ ଉପରେ ଜରି ପାଲ। ଦୁଇ ଦିନ ହେଲାଣି ଜଳିନି ଚୁଲି। ଆମେ ଆଦିବାସୀ ଲୋକ । ଜଙ୍ଗଲ ଜମିରେ ଆମର ରହିବା ପାଇଁ ଅଧିକାର ଅଛି । ବିନା ନୋଟିସରେ ଜବରଦସ୍ତି ଭାଙ୍ଗୁଛନ୍ତି ଘର । ଦୃଶ୍ୟ ନମ୍ବର ୧…. ଛୋଟିଆ ଖାଟିଆ ଉପରେ ମା କୋଳରେ ସୋଇଛି କଅଁଳା ଶିଶୁ । ପୁରା ପରିବାର କେଉଁଟି ରହିବେ ଜାଣି ପାରୁ ନାହାନ୍ତି। ଦୃଶ୍ୟ ନମ୍ବର ୨…ଖୋଲା ପଡିଆ। ମୁଣ୍ଡ ଗୁଞ୍ଜିବା ପାଇଁ ବାଉଁଶ ପୋତି ଜରି ପାଲ ଟାଣୁଛନ୍ତି । ଆଉ ଏପଟେ ଛୋଟ ପିଲା ମାନେ ଖେଳନାରେ ରୋଷେଇ କରି ଖେଳୁଛନ୍ତି। ଆଉ ଏ ଦୃଶ୍ୟ ହେଉଛି ଘର ଭାଙ୍ଗିବା ପୂର୍ବରୁ ନିଜର ଆସବା ପତ୍ର ମୁଣ୍ଡରେ ବୋହି ନେଉଛନ୍ତି ଲୋକ । ଆଉ କିଛି ନିଜର ତଥ୍ୟ ଦେଇ ବିଏମସିର ଟ୍ରାକ୍ଚରରେ ଆସବାବପତ୍ର ବସ୍ତି ଆପାର୍ଟମେଣ୍ଟକୁ ବୋହି ନେଉଛନ୍ତି । ଗତ କାଲି ଖୋଲା ଆକାଶ ତଳେ ଥଣ୍ଡା କାକରରେ ରାତି କାଟିଥିଲେ ବିସ୍ଥାପିତ । ଆଜି ଦିନରେ କଣ ଖାଇବେ, କେଉଁଠି ରହିବେ ନିଜେ ବି ଜାଣି ନାହାନ୍ତି।
ସାଲିଆସାହିରେ ଦ୍ଵିତୀୟ ଦିନରେ ବସ୍ତି ଉଛେଦ ଜାରି ରହିଛି। ବିଏମସି, ବିଡିଏ, ଟିପିସିଓଡିଏଲ, ଫାୟାରା, ପିଡବ୍ଳୁଡି ସେମତ ଲାଇନ ଡିପାର୍ଟେମେଣ୍ଟକୁ ନେଇ ୫ଟି ଟିମ ଗଠନ ହୋଇଛି । ଆଜି ସକାଳୁ ସକାଳୁ ଶାନ୍ତି ଶୃଙ୍ଖଳାରେ ଉଛେଦ ଜାରି ରହିଛି । ୫୫୪ଟି ଘର ଭାଙ୍ଗିବା ଲାଗି ଚିହ୍ନଟ କରିଛି ବିଏମସି। ଗତାକାଲି ୧୧୦ ଘର ଭାଙ୍ଗି ଥିବା ବେଳେ ଆଜି ୯୦ରୁ ଉର୍ଦ୍ଦ ଘର ଭଙ୍ଗା ହୋଇଛି। ଦେଢଶହ ଜଣଙ୍କୁ ବୁଦ୍ଧ ବିହାରରେ ଥିବା ଆପାର୍ଟେମେଣ୍ଟରେ ଥଇଥାନ କରିଛି ବିଏମସି। ପୋଲିସ ଓ ବିଏମସିର କଣ୍ଟ୍ରୋଲ ରୁମ ଖୋଲାଯାଇଛି । ଯେଉଁ ବସ୍ତିବାସିନ୍ଦାଙ୍କ ସନ୍ଦେହ ହେଉଛି । ସିଧା ସଳଖ କଣ୍ଟ୍ରୋଲର ରୁମ ନିକଟକୁ ଯାଇ ଯୋଗଯୋଗ କରିବାକୁ ବିଏମସି ଅପିଲ କରିଛି । ଆସନ୍ତା ୭ ଦିନ ପଯ୍ୟନ୍ତ ଉଚ୍ଛେଦ କାର୍ଯ୍ୟ ଜାରି ରହିବ ବୋଲି ପୋଲିସ କହିଛି।
ସାଇମନ୍ଦିରରୁ ଏକାମ୍ରକାନନ ପର୍ଯ୍ୟନ୍ତ ୧୩ କିଲୋମିଟର ଦୁଇଶହ ଫୁଟିଆ ରାସ୍ତା ନିର୍ମାଣ ନେଇ ଯୋଜନା ହୋଇଥିଲା। ସାଲିଆସାହି ରାସ୍ତା ଦେଇ ୧ କିଲୋମିଟର ଉଛେଦ ବାକି ରହିଥିଲା। ସାଲିଆସାହି ଭିତରେ ଏକ କିଲୋମିଟର ରାସ୍ତା ଉଚ୍ଛେଦ ହୋଇଗଲେ ଯୋଗଯୋଗର ବାଟ ଫିଟିବା ସହିତ ଟ୍ରାଫିକ ଯନ୍ତ୍ରାଣ କମିବ ବୋଲି ପ୍ରଶାସନ ସୂଚନା ଦେଇଛି।
