ନନ୍ଦିଘୋଷ ବ୍ୟୁରୋ : ଦିଲ୍ଲୀ ଲାଲକିଲ୍ଲା ବିସ୍ଫୋରଣ ଘଟଣା। ଗିରଫ ୪ ଅଭିଯୁକ୍ତଙ୍କୁ ୧୦ ଦିନିଆ ରିମାଣ୍ଡରେ ନେଲା NIA। ଅଭିଯୁକ୍ତଙ୍କ ମଧ୍ୟରେ ଡାକ୍ତର ମୁଜାମ୍ମିଳ ଶକିଲ ରହିଛି। ବୋମା ବିସ୍ଫୋରଣ ଘଟଣାର ଚାଲିଛି ଅଧିକ ତନାଘନା। ମାମଲାର ଶୁଣାଣି କରି ଲାଲକିଲ୍ଲା ବିସ୍ଫୋରଣ ମାମଲାରେ ଚାରି ଜଣ ଅଭିଯୁକ୍ତଙ୍କୁ 10 ଦିନ ପାଇଁ NIA ହେପାଜତକୁ ପଠାଇ ଦେଇଛନ୍ତି କୋର୍ଟ। ପୁଲୱାମାର ଡାକ୍ତର ମୁଜାମ୍ମିଲ ଶକିଲ , ଅନନ୍ତନାଗର ସହାରନପୁରର ଡାକ୍ତର ଆଦିଲ ଅହମ୍ମଦ ରାଥେର, ଲକ୍ଷ୍ନୌର ଡାକ୍ତର ଶାହିନ ସଇଦ ଏବଂ ଶୋପିଆନର ମୁଫତି ଇରଫାନ ଅହମ୍ମଦ ରହିଛନ୍ତି। ପଟିଆଲା ହାଉସ କୋର୍ଟ ଦ୍ୱାରା ଜାରି ୱାରେଣ୍ଟ ଅନୁଯାୟୀ ଏହି ଚାରି ଜଣଙ୍କୁ ହେପାଜତକୁ ନିଆଯାଇଛି। ସଇଦ, ରାଥର ଏବଂ ଅନ୍ୟ ଦୁଇ ଜଣ ନଭେମ୍ବର 10 ତାରିଖରେ ଦିଲ୍ଲୀ ବିସ୍ଫୋରଣର ଯୋଜନା ଏବଂ କାର୍ଯ୍ୟକାରୀ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ।ତଦନ୍ତକାରୀ ସଂସ୍ଥା କହିଛି ଯେ ଚାରି ଜଣ ସନ୍ଦିଗ୍ଧ ଆତଙ୍କବାଦୀ ଯୋଜନାକୁ କାର୍ଯ୍ୟକ୍ଷମ କରିବାରେ ସହାୟତା କରିଥିଲେ। ଏପର୍ଯ୍ୟନ୍ତ ସେମାନେ ଜମ୍ମୁ ଏବଂ କାଶ୍ମୀର ପୋଲିସର ହେପାଜତରେ ଥିଲେ। ଏନଆଇଏ ଦ୍ୱାରା ପୂର୍ବରୁ ଦୁଇ ଜଣଙ୍କୁ ଅଟକ ରଖିବା ପରେ ଏହି ଗିରଫଦାରୀ କରାଯାଇଛି। ଆମିର ରସିଦ ଅଲି, ଯାହାଙ୍କ ନାମରେ ବିସ୍ଫୋରଣରେ ବ୍ୟବହୃତ ଗାଡି ପଞ୍ଜିକୃତ ହୋଇଥିଲା ଏବଂ ଜସିର ବିଲାଲ ୱାନି ଓରଫ ଦାନିଶ ଯିଏ ମଡ୍ୟୁଲକୁ ଗୁରୁତ୍ୱପୂର୍ଣ୍ଣ ବୈଷୟିକ ସହାୟତା ଯୋଗାଇଥିବା ଅଭିଯୋଗ ହୋଇଛି। ଉଭୟଙ୍କୁ ବର୍ତ୍ତମାନ ପଚରାଉଚରା କରାଯାଉଛି।ନଭେମ୍ବର ୧୦ ରେ ଲାଲକିଲ୍ଲା ମେଟ୍ରୋ ଷ୍ଟେସନ ନିକଟରେ ହୋଇଥିବା ବିସ୍ଫୋରଣରେ ଏପର୍ଯ୍ୟନ୍ତ ୧୫ ଜଣଙ୍କ ଜୀବନ ଯାଇଛି।
