ରାଞ୍ଚି ଦିନିକିଆ ପାଇଁ ପ୍ଲେଇଂ ଇଲେଭେନ୍ ସ୍ପଷ୍ଟ, ହେଲେ ୪ରୁ ୬ ନମ୍ବରକୁ ନେଇ ଅଟକିଛି ପେଞ୍ଚ
ନନ୍ଦିଘୋଷ ବ୍ୟୁରୋ: ଘରୋଇ ମାଟିରେ ଦକ୍ଷିଣ ଆଫ୍ରିକା ପାଖରୁ ଟିମ୍ ଇଣ୍ଡିଆ ୦-୨ରେ ସିରିଜ ହାରିବା ପରେ ଏବେ ସବୁଠି ଥୁ ଥୁ ହେଉଛି । ଆଉ ଏହାରି ଭିତରେ ଦିନିକିଆ ସିରିଜ ହେବାକୁ ଯାଉଛି । ଯାହା ଉପରେ ସମସ୍ତଙ୍କର ନଜର ରହିଛି । ବିଶେଷ କରି ନଭେମ୍ବର ୩୦ ତାରିଖରେ ରାଞ୍ଚିରେ ହେବାକୁ ଥିବା ଦିନିକିଆ ପାଇଁ ଭାରତର ପ୍ଲେଇଂ ଇଲେଭେନ ଏକ ପ୍ରକାର ନିଶ୍ଚିତ ହୋଇ ସାରିଛି । ତେବେ ୪ ନମ୍ବର ଓ ୬ ନମ୍ବରରେ କିଏ ଖେଳିବେ ତାକୁ ନେଇ ପେଞ୍ଚ ଅଟକିଛି ।
ରୋହିତଙ୍କ ସହ କିଏ କରିବେ ଓପନିଂ ?
ଦିନିକିଆ ସିରିଜରେ ଶୁବମନ ଗିଲ ନଥିବା ବେଳେ କେ.ଏଲ. ରାହୁଲ ଅଧିନାୟକ ପଦ ସମ୍ଭାଳୁଛନ୍ତି । ସେ ଟିମରେ ଓ୍ବିକେଟ କିପିଂ କରିବା ସହ ଅଧିନାୟକ ପଦ ସମ୍ଭାଳିବେ । ଗିଲ ନଥିବାରୁ ରୋହିତଙ୍କ ସହ ୟଶସ୍ବୀ ଜୟସଓ୍ବାଲ ଓପନିଂ କରିବେ । ନମ୍ବର ୩ରେ ବିରାଟଙ୍କ ଖେଳିବା ନିଶ୍ଚିତ ।
ନମ୍ବର ୪ ଓ ୬କୁ ନେଇ ପେଞ୍ଚ
ଶ୍ରୀୟସ ଅୟର ଆଘାତ କାରଣରୁ ଟିମରେ ନଥିବାରୁ ସେ ଖେଳୁଥିବା ୪ ନମ୍ବରରେ କିଏ ମୈଦାନକୁ ଓହ୍ଲାଇବେ ତାକୁ ନେଇ ଚର୍ଚ୍ଚା ଲାଗି ରହିଛି । ଏହି ପୋଜିସନ ପାଇଁ ୩ ଜଣ ଦାବିଦାର ରହିଛନ୍ତି । ଋତୁରାଜ ଗାୟକଓ୍ବାଡ, ତିଲକ ବର୍ମା ଏବଂ ଋଷଭ ପନ୍ତଙ୍କ ମଧ୍ୟରୁ ଜଣଙ୍କୁ ଏହି ପୋଜିସନ ମିଳିପାରେ । ସେହିପରି ନମ୍ବର ୫ରେ ଅଧିନାୟକ ରାହୁଲ ଫିଲ୍ଡକୁ ଓହ୍ଲାଇବେ । ସେହିପରି ୬ ନମ୍ବର ପୋଜିସନ ପାଇଁ ମଧ୍ୟ ଏହି ତିନି ଖେଳାଳି ଦାବିଦାର ରହିଛନ୍ତି । ତେବେ ନମ୍ବର ୪ ପୋଜିସନ ପାଇଁ ଋତୁରାଜ ଗାୟକଓ୍ବାଡ ସମସ୍ତଙ୍କ ଆଗରେ ରହିଛନ୍ତି ।
୪ରୁ ୬ ପୋଜିସନ ଅନିଶ୍ଚିତ
ରାହୁଲ ଓ୍ବାକେଟ କିପିଂ କରୁଥିବା ବେଳେ ଯଦି ପନ୍ତ ଟିମ ଇଲେଭେନରେ ସ୍ଥାନ ପାଇଲେ ତେବେ ସେ ବ୍ୟାଟର ଭାବେ ପଡ଼ିଆକୁ ଓହ୍ଲାଇବେ । ରାହୁଲ ନମ୍ବର ୫ରେ ଖେଳିବା ଏକ ପ୍ରକାର ନିଶ୍ଚିତ । ତେବେ ୪ରୁ ୬ ମଧ୍ୟରେ ଖେଳର ସ୍ଥିତି, ବିପକ୍ଷଙ୍କ ବୋଲିଂକୁ ଦେଖି ଏହି ୪ ଖେଳାଳିଙ୍କ ମଧ୍ୟରେ ପୋଜିସନ ପରିବର୍ତ୍ତନ ହୋଇପାରେ ।
ବୋଲିଂ ଆଟାକ୍
ସେପଟେ ରବୀନ୍ଦ୍ର ଜାଡେଜା ପ୍ଲେଇଂ ଇଲେଭେନରେ ରହିବା ନିଶ୍ଚିତ । ସେପଟେ ଓ୍ବାଶିଂଟନ ସୁନ୍ଦର କିମ୍ବା ନୀତୀଶ ରେଡ୍ଡିଙ୍କ ମଧ୍ୟରୁ କାହାକୁ ସୁଯୋଗ ମିଳିବ ତାହା ଦେଖଇବାକୁ ବାକି ରହିଲା । କୁଲଦୀପ ଯାଦବ ଟିମରେ ସ୍ପେଶାଲିଷ୍ଟ ସ୍ପିନର ଭାବେ ଖେଳିବେ । ସେହିପରି ଫାଷ୍ଟ ବୋଲିଂର ଭାର ହର୍ଷିଦୀପ ରାଣା ଏବଂ ଅର୍ଶଦୀପଙ୍କ ଉପରେ ରହିବ ।
