ନନ୍ଦିଘୋଷ ବ୍ୟୁରୋ: ଟେଷ୍ଟ ସିରିଜରେ ବିପର୍ଯ୍ୟୟ ପରେ ଆଜିଠାରୁ ଭାରତ ଓ ଦକ୍ଷିଣ ଆଫ୍ରିକା ମଧ୍ଯରେ ଏକଦିବସୀୟ ସିରିଜ ଆରମ୍ଭ ହେବାକୁ ଯାଉଛି । ରାଞ୍ଚିରେ ସିରିଜର ପ୍ରଥମ ମ୍ଯାଚ ଖେଳାଯିବ । ଅପରାହ୍ଣ ଗୋଟାଏ ୩୦ରେ ଖେଳାଯିବ ମ୍ଯାଚ । ନୂଆ ଅଧିନାୟକଙ୍କୁ ନେଇ ପଡଡିଆକୁ ଓହ୍ଲାଇବ ଟିମ୍ ଇଣ୍ଡିଆ । ଆହତ କାରଣରୁ ଅଧିନାୟକ ଶୁବମନ ଗିଲ ଓ ଉପ ଅଧିନାୟକ ଶ୍ରେୟସ ଆୟାରଙ୍କୁ ବିଶ୍ରାମ ଦିଆଯାଇଛି । କେ.ଏଲ. ରାହୁଲଙ୍କ ନେତୃତ୍ବରେ ଦକ୍ଷିଣ ଆଫ୍ରିକାକୁ ଭେଟିବ ଭାରତ । ସିରିଜରେ ୩ଟି ଏକଦୀବସୀୟ ମ୍ଯାଚ ଖେଳାଯିବ । ପ୍ରଥମଟି ରାଞ୍ଚିରେ ଆଜି ଖେଳାଯିବାକୁ ଥିବାବେଳେ ଦ୍ବିତୀୟଟି ୩ ତାରିଖରେ ରାୟପୁର ଓ ତୃତୀୟ ମ୍ଯାଚ ୬ ତାରିଖରେ ବିଶାଖପାଟଣାରେ ଖେଳାଯିବ । ଏହାପରେ ଟି-ଟ୍ବେଣ୍ଟି ସିରିଜର ପ୍ରଥମ ମ୍ଯାଚ ୯ ତାରିଖ ଦିନ କଟକରେ ଖେଳାଯିବ । ରୋହିତ ଶର୍ମା ଓ ବିରାଟ କୋହଲିଙ୍କୁ ନେଇ ଦଳର ସ୍ଥତି ମଜଭୁତ ରହିଛି । ତେବେ ଟେଷ୍ଟ ସିରିଜରେ ଭାରତକୁ ୨-୦ରେ ହରାଇବା ପରେ ଭ୍ରମଣକାରୀ ଦକ୍ଷିଣ ଆଫ୍ରିକାର ମନୋବଳ ଦୃଢ ରହିଛି । ତେଣୁ ଆଜି ମୁକାବିଲା ଜୋରଦାର ହେବ ବୋଲି ଆଶା ରଖିଛନ୍ତି କ୍ରିକେଟପ୍ରେମୀ ।
