ନନ୍ଦିଘୋଷ ବ୍ୟୁରୋ : ବାସନ୍ଦ ନାଁରେ ଗାଁରୁ ଉଠୁନି ଶବ। ଦୀର୍ଘ ୨୦ ଘଣ୍ଟା ଧରି ଘରେ ପଡି ରହିଛି ଶବ ।ଗଞ୍ଜାମ ଧରାକୋଟ ଥାନା କମାଶାସନ ଗାଁରେ ଦେଖିବାକୁ ମିଳିଛି ଅଭାବନୀୟ ଘଟଣା। ଗାଁର ୬୫ ବର୍ଷୀୟ ବୃଦ୍ଧା ଏସ୍.ରତ୍ନlଲୁ ରେଡିଙ୍କ ଦେହାନ୍ତ ହୋଇଛି। ପୂର୍ବରୁ ସ୍ଵାମୀ ଓ ଦୁଇ ପୁଅଙ୍କ ଦେହାନ୍ତ ହୋଇଥିବା ବେଳେ ପାଖରେ ଅଛନ୍ତି ଦୁଇ ଝିଅ। ପୁଅଙ୍କ ନାଁରେ ଥିବା ଟଙ୍କା ପ୍ରଦାନ ସହ ସାମାଜିକ ବାସନ୍ଦ ଉଠାଇବାକୁ ଅଡିବସିଛନ୍ତି ପରିବାର। ଶବ ସତ୍କାର ପାଇଁ ଗାଁ ଲୋକେ ରାଜି ହୋଇଥିଲେ ମଧ୍ୟ ସମାଧାନ ନ ହେବା ପର୍ଯ୍ୟନ୍ତ ଶବ ଉଠିବନି ବୋଲି ମୃତକଙ୍କ ଝିଅ ଅଡ଼ି ବସିଛନ୍ତି। ଘଟଣାକୁ ନେଇ ଧରାକୋଟ ଥାନାରେ ପୂର୍ବରୁ ବହୁବାର ଅଭିଯୋଗ ମଧ୍ୟ ହୋଇଛି। ଗାଁରେ ପୋଲିସ ପହଁଚି ବୁଝାସୁଝା ଜାରି ରଖିଛି। ସେପଟେ ବାସନ୍ଦ କଥାକୁ ଗ୍ରାମବାସୀ ଅସ୍ବୀକାର କରିଛନ୍ତି l ବାସନ୍ଦ ନୁହେଁ ମତାନ୍ତର ବୋଲି ଗ୍ରାମବାସୀ କହିଛନ୍ତି।
