ନନ୍ଦିଘୋଷ ବ୍ୟୁରୋ: ରବିବାର ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଦିନିକିଆରେ ଭାରତର ରୋମାଞ୍ଚକର ବିଜୟ । ପ୍ରଥମ ଦିନିକିଆରେ କୋହଲି ଦମଦାର ଶତକ ହାସଲ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ତେବେ ମ୍ୟାଚ ଆରମ୍ଭ ହେବା ପୂର୍ବରୁ ବାଉଣ୍ଡୁରୀ ପାଖରେ କୋହଲି ଜୟସ୍ବାଲଙ୍କ ମଜାକ୍ କରୁଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଯେଉଁଥିରେ ସାଥୀ ଖେଳାଳି ରୋହିତ ଶର୍ମା, କୁଲଦୀପ ଯାଦବ ଏବଂ ଋଷଭ ପନ୍ତ ହସୁଥିବାର ଦେଖିବାକୁ ମିଳିଛି । ୟୁଜର୍ସମାନେ ଏହି ଭିଡିଓକୁ ସେୟାର କରିବା ସହ ଏଥିରେ ମଜାଳିଆ କମେଣ୍ଟ ଦେଉଥିବା ଦେଖିବାକୁ ମିଳୁଛି ।
Kohli trolling Jaiswal's hairstyle with Salman's dance in Tere naam 🤣 pic.twitter.com/V9jF1PccKK
— Gangadhar (@90_andypycroft) November 30, 2025
ତେବେ ମ୍ୟାଚ ଆରମ୍ଭ ହେବା ପୂର୍ବରୁ ଅଭ୍ୟାସ ସମୟରେ ବିରାଟ ହସ ମଜାକ୍ ଅନ୍ଦାଜରେ ନଜର ଆସିଥିଲେ । ଭିଡିଓରେ ଦେଖା ଯାଇଛି କି, ସେ ଜୟସ୍ବାଲଙ୍କ ସହ ମଜାକ୍ କରୁଥିବା ଦେଖିବାକୁ ମିଳିଛି । ତେବେ ଏହାର ମୁଖ୍ୟ କାରଣ ହେଉଛି ଜୟସ୍ବାଲଙ୍କ ହେୟାର ଷ୍ଟାଇଲ୍ । ତେରେନାମ ଫିଲ୍ମରେ ସଲମାନ ଯେଭଳି ହେୟାର କଟ୍ କରିଥିଲେ ସେଭଳି ଜୟସ୍ବାଲଙ୍କ ହେୟାର ଷ୍ଟାଇଲ୍ ରହିଛି । କୋହଲି ଡ୍ୟାନ୍ସ କରିବା ସହ ଜୟସ୍ବାଲଙ୍କ ମଜାକ୍ ଉଡାଉଥିବା ଏହି ଭିଡିଓରେ ଦେଖିବାକୁ ମିଳିଛି ।
ପ୍ରଥମ ଦିନିକିଆ ସମ୍ପର୍କରେ ଯଦି କହିବା ତାହେଲେ ଜୟସ୍ବାଲ ପ୍ରଥମରୁ ଭଲ ଆରମ୍ଭ କରିଥିଲେ । ମାତ୍ର ଏହାକୁ ବଡ଼ ସ୍କୋରରେ ପରିଣତ କରିପାରିନଥିଲେ । ସେ ୧୬ ବଲରୁ ଦୁଇଟି ଚୌକା ଏବଂ ଗୋଟିଏ ଛକା ବଳରେ ମାତ୍ର ୧୮ ରନ କରିଥିଲେ । ମାତ୍ର ବିରାଟ ଏହି ମ୍ୟାଚରେ ଶତକ ହାସଲ କରିଥିଲେ । ରୋହିତ ଶର୍ମା ମଧ୍ୟ କୋହଲିଙ୍କ ସହ ଭଲ ପାର୍ଟନରସିପ କରିଥିଲେ । ସେ ଅର୍ଦ୍ଧଶତକୀୟ ପାଳି ଖେଳିବାରେ ସଫଳ ହୋଇଥିଲେ ।
