ନନ୍ଦିଘୋଷ ବ୍ୟୁରୋ : ବିଶ୍ବର ସବୁଠାରୁ ଧନୀ କ୍ରିକେଟ ଲିଗଭାବେ ଜଣାଶୁଣା ଆଇପିଏଲ ହେବାକୁ ଆହୁରି ତିନି ମାସ ବାକି ରହିଛି । ଏହାରି ଭିତରେ ମିନି ଅକ୍ସନ ସରିଥିବାବେଳେ ସମସ୍ତ ଦଳ ଟ୍ରଫି ହାତେଇବା ଲାଗି ନିଜର ରଣନୀତି ପ୍ରସ୍ତୁତ କରୁଛନ୍ତି । ତେବେ ଭାରତୀୟ ଖେଳାଳିମାନେ ବିଦେଶୀ ଲିଗରେ ଭାଗ ନେଉନାହାନ୍ତି । ତେବେ ଆଇପିଏଲ ପୂର୍ବରୁ ବିଦେଶରେ ଖେଳାଯାଉଥିବା ଲିଗରେ ଭାରତୀୟ ଖେଳାଳି ନଜର ଆସିବେ ! ତେବେ କହି ରଖୁଛୁ କି, ସାଉଥଆଫ୍ରିକାରେ ଖେଳା ଯାଉଥିବା SA-20 ରେ ଲକ୍ଷ୍ନୌର କିଛି ବୋଲରମାନେ ନଜର ଆସିବେ । ତେବେ ସେମାନେ ଏହି ଲିଗରା ଖେଳିବେ ନାହିଁ । ବରଂ ବୋଲରମାନେ ନିଜର ଦକ୍ଷତା ପାଇଁ ଏହି ଲିଗରେ ଯାଇ ଦକ୍ଷତା ବୃଦ୍ଧି ପାଇଁ ଅଭ୍ୟାସ କରିବେ । ଲକ୍ଷ୍ନୌ ଫ୍ରାଞ୍ଚାଇଜର ଏକ ଟିମ ସେଠାରେ ଖେଳୁଛି । ଏଣୁ ସେମାନେ ସାଥୀ ଖେଳାଳିଙ୍କ ସହ ଅଭ୍ୟାସ କରିପାରିବେ । ଆଭେସ୍ ଖାନ୍ ଏବଂ ମହସିନ୍ ଖାନଙ୍କ ଭଳି ଖେଳାଳିଭାବେ ଏବେ ଭାଗ ନେଇପାରନ୍ତି ।
ତେବେ ଯଦିଓ ଏନେଇ ଏଯାବତ ବିସିସିଆଇ କୌଣସି ହଁ କରିନାହିଁ ତଥାପି ଏମାନେ ଅଭ୍ୟାସ ପାଇଁ ଯାଇ ପାରନ୍ତି ବୋଲି ଚର୍ଚ୍ଚା ହେଉଛି । ସେପଟେ ବିସିସିଆଇ ନିୟମ ଅନୁସାରେ ଯେଉଁମାନେ କଣ୍ଟ୍ରାକ୍ଟରେ ନାହାନ୍ତି କିମ୍ବା କୌଣସି ରାଜ୍ୟ ପାଇଁ ଖେଳୁ ନାହାନ୍ତି ଅଭ୍ୟାସ କରିବା ପାଇଁ ବାହାରକୁ ଯାଇପାରିବେ ।
