ଆସନ୍ତା ୨୭ରେ ରତ୍ନଭଣ୍ଡାର ଉଚ୍ଚସ୍ତରୀୟ କମିଟିର ଗୁରୁତ୍ୱପୂର୍ଣ୍ଣ ବୈଠକ, ଗଣତି ମଣତି ନେଇ ହେବ ଆଲୋଚନା
ନନ୍ଦିଘୋଷ ବ୍ୟୁରୋ: ଆସନ୍ତା ୨୭ ତାରିଖରେ ବସିବ ରତ୍ନଭଣ୍ଡାର ଉଚ୍ଚସ୍ତରୀୟ କମିଟିର ଗୁରୁତ୍ବପୂର୍ଣ୍ଣ ବୈଠକ । ଅପରାହ୍ନ ସାଢ଼େ ୪ଟାରେ ବୈଠକ ବସିବାକୁ ଯାଉଛି । ଜଷ୍ଟିସ ବିଶ୍ୱନାଥ ରଥଙ୍କ ଅଧ୍ୟକ୍ଷତାରେ ଗଠିତ କମିଟିର ବୈଠକ ବସିବ । ବୈଠକରେ ରତ୍ନଭଣ୍ଡାର ଗଣତି ମଣତିକୁ ନେଇ ଏସଓପି ପ୍ରସ୍ତୁତି ଉପରେ ଆଲୋଚନା ହେବ ।
୨ଟି ତାରିଖ ଗଣତି ମଣତି ପାଇଁ ଧାର୍ଯ୍ୟ ହେବ । ପରେ ନିଷ୍ପତ୍ତିକୁ ପରିଚାଳନା କମିଟିକୁ ପଠାଯିବ । ସେମାନେ ପରୀକ୍ଷା ନିରୀକ୍ଷା କରିବା ପରେ ଏହାକୁ ସରକାରଙ୍କ ନିକଟକୁ ପଠାଯିବ । ସରକାର ଚୂଡାନ୍ତ ନିଷ୍ପତ୍ତି ନେବେ । ଏନେଇ ରତ୍ନଭଣ୍ଡାର ତଦାରଖ କମିଟି ଅଧ୍ୟକ୍ଷ ଜଷ୍ଟିସ ବିଶ୍ବନାଥ ରଥ ସୂଚନା ଦେଇଛନ୍ତି ।
