ଧୁରନ୍ଧର: ୨୦ ଦିନରେ ୨୦ ରେକର୍ଡ, ଅକ୍ଷୟ ଖାନ୍ନାଙ୍କ ଆଗରେ ଫୁସକି ଗଲେ ବଡ଼ ବଡ଼ ଷ୍ଟାର୍
ନନ୍ଦିଘୋଷ ବ୍ୟୁରୋ: ବର୍ତ୍ତମାନ ସିନେମା ହଲରେ ନିଆଁ ଲଗାଇଛି ବଲିଉଡ଼ ଫିଲ୍ମ ‘ଧୁରନ୍ଧର’ । ରିଲିଜର ୨୦ ଦିନରେ ଯେଉଁଠି ବଡ଼ ବଡ଼ ଫିଲ୍ମ ଚିତପଟାଙ୍ଗ ମାରିଥାନ୍ତି ସେଠି ଧୁରନ୍ଧର ତୁଫାନ ଭଳି ରେକର୍ଡ ପରେ ରେକର୍ଡ କରି ଆଗକୁ ବଢ଼ି ଚାଲିଛି । ଡିସେମ୍ବର ୫ ତାରିଖରେ ପରଦାକୁ ଫିଲ୍ମଟି ଆସିଥିଲା । ଏହାର ଦ୍ବିତୀୟ ଭାବ ଆସନ୍ତା ବର୍ଷ ଆସିବ । ହେଲେ ଏଥିରେ ରେହମାନ ଡକାୟତ ନଥିବେ । ଯେଉଁ ଚରିତ୍ରକୁ ଅକ୍ଷୟ ଖାନ୍ନ ପରଦାରେ ଏମିତି ଉତାରିଛନ୍ତି ଯେ, ସମସ୍ତଙ୍କ ମୁହଁରେ କେବଳ ଧୁରନ୍ଦ ଆଉ ଧୁରନ୍ଧର ଶୁଣିବାକୁ ମିଳୁଛି । ଫିଲ୍ମରେ ଲିଡ ରୋଲରେ ଥିବା ରଣବୀର ସିଂ, ସଞ୍ଜୟ ଦତ୍ତ, ଅର୍ଜୁନ ରାମପାଲ ଏବଂ ଆର. ମାଧବନ ମଧ୍ୟ ବଢ଼ିଆ କାମ କରିଛନ୍ତି । ରିଲିଜର ୨୦ ଦିନରେ ଫିଲ୍ମ ଓ୍ବାର୍ଲ୍ଡ ଓ୍ବାଇଡ ୯୦୦ କୋଟିରୁ ଅଧିକ ରୋଜଗାର କରିସାରିଛି । ଆଜି ୨୦ତମ ଦିନରେ ଫିଲ୍ମଟି ୧୮ କୋଟି ଟଙ୍କା ରୋଜଗାର କରି ଏକ ରେକର୍ଡ କରିଛି । ତେବେ ଆସନ୍ତୁ ଜାଣିବା ଫିଲ୍ମ କେତେ ରୋଜଗାର କଲାଣି ।
କେବଳ ଭାରତରେ ଧୁରନ୍ଧର ୨୦ ଦିନରେ ୬୦୭ କୋଟି ଟଙ୍କା କରିସାରିଛି । ଆଉ ଓ୍ବର୍ଲ୍ଡ ଓ୍ବାଇଡ ବର୍ତ୍ତମାନ ସୁଦ୍ଧା ୯୪୪ କୋଯିରେ ପହଞ୍ଚି ଯାଇଛି । ଏହାସହ ଓଭରସିଜ କଲେକ୍ସନ ୨୧୫ କୋଟି ଓ ଗ୍ରସ ବକ୍ସ ଅଫିସ କଲେକ୍ସନ ୭୨୯ କୋଟିରେ ପହଞ୍ଚି ଯାଇଛି । ସୂଚନାଯୋଗ୍ୟ, ଧୁରନ୍ଧରର ମୋଟ ବଜେଟ ୨୮୦ କୋଟି ଟଙ୍କା ବୋଲି କୁହାଯାଉଛି । ଯାହା ଦୁଇଟି ଯାକ ପାର୍ଟକୁ ମିଶାଇ । ଆଉ ଦ୍ବିତୀୟ ଭାଗ ଆସନ୍ତାବର୍ଷ ରିଲିଜ ହେବ । ଆଉ ଏମିତି ଦେଖିଲେ ଶୀଘ୍ର ଫିଲ୍ମ ୧୦୦୦ କୋଟି କ୍ଲବରେ ସାମିଲ ହୋଇଯିବ ।
୨୦ ଦିନରେ ୨୦ ରେକର୍ଡ
ପ୍ରଥମ ଦିନ
ରିଲିଜ ଦିନ ଧୁରନ୍ଧର ୨୮ କୋଟି ଟଙ୍କା ରୋଜଗାର କରିଛି । ଯାହା ପ୍ରଥମ ଦିନ ସଲମାନ ଖାନଙ୍କ ‘ବଜରଙ୍ଗୀ ଭାଇ ଜାନ’ ରେକର୍ଡ ଭାଙ୍ଗିଛି । ଯାହା ପ୍ରଥମ ଦିନ ୨୭ କୋଟି ଟଙ୍କା ରୋଜଗାର କରିଥିଲା ।
ଦ୍ବିତୀୟ ଦିନ
ଏହିଦିନ ଫିଲ୍ମ ୩୨ କୋଟି ଟଙ୍କା ରୋଜଗାର କରିଥିଲା । ଏହାସହ ୨୦୨୪ରେ ରିଲିଜ ହୋଇଥିବା ସବୁଠାରୁ ବଡ଼ ଫିଲ୍ମ ସ୍ତ୍ରୀ-୨କୁ ବି ପଛରେ ପକାଇ ଦେଇଥିଲା । ଏହି ଫିଲ୍ମ ଦ୍ବିତୀୟ ଦିନ ୩୧ କୋଟି ଟଙ୍କା ରୋଜଗାର କରିଥିଲା ।
ତୃତୀୟ ଦିନ
ତୃତୀୟ ଦିନ ଫିଲ୍ମ ୧୦୦ କୋଟି ଟଙ୍କାକୁ ପାର କରିଯାଇଥିଲା । ଏହିଦିନ ଏହା ୪୩ କୋଟି ଟଙ୍କା ରୋଜଗାର କରିଥିଲା । ଏହାସହ ଅମୀର ଖଶନଙ୍କ ୨୦୦୦ କୋଯି ଟଙ୍କାର ଦଙ୍ଗଲକୁ ପଛରେ ପକାଇ ଦେଇଥିଲା । ଦଙ୍ଗଲ ଭାରତରେ ତୃତୀୟ ଦିନ ୪୧ କୋଟି ଟଙ୍କା ରୋଜଗାର କରିଥିଲା ।
ଚତୁର୍ଥ ଦିନ
ଏହିଦିନ ଫିଲ୍ମଟି ୨୩ କୋଟି ଟଙ୍କା ରୋଜଗାର କରିଥିଲା । ଏହାପରେ ବି ଫିଲ୍ମଟି ଅଲ ଟାଇମ ବ୍ଲକ ବ୍ଲାଷ୍ଟର ଫିଲ୍ମକୁ ପଛରେ ପକାଇ ଦେଇଥିଲା । ଯାହାର କଲେକ୍ସନ ୧୭ କୋଟି ଟଙ୍କା ଥିଲା ।
ପଞ୍ଚମ ଦିନ
ପଞ୍ଚମ ଦିନ ଫିଲ୍ମଟି ୧୫୦ କୋଟି ଟଙ୍କା ରୋଜଗାର କରିଥିଲା । ଯାହା ଫିଲ୍ମକୁ ଅଲ ଟାଇମ ବ୍ଲକ ବ୍ଲାଷ୍ଟର ଫିଲ୍ମ ତାଲିକାରେ ସାମିଲ କରିଥିଲେ ।
ଷଷ୍ଠ ଦିନ
ଏହି ଦିନ ମଧ୍ୟ କେବଳ ଭାରତରେ ଫିଲ୍ମଟି ୨୭ କୋଟି ଟଙ୍କା ରୋଜଗାର କରିଥିଲା । ଏହିଦିନ ଶାହରୁଖ ଖାନଙ୍କ ୧୦୦୦ କୋଟିର ପଠାନକୁ ପଛରେ ପକାଇ ଦେଇଥିଲା ଧୁରନ୍ଧର । ଆଉ ଏହିଦିନ ଯବାନ ଏବଂ ସୈୟାର ପରି ଫିଲ୍ମର ହାଲତ ଖରାପ ହୋଇଯାଇଥିଲା ।
ସପ୍ତମ ଦିନ
ପ୍ରଥମ ସପ୍ତାହ ପରେ ଧୁରନ୍ଧର ୨୦୦ କୋଟି ପାର କରିଯାଇଥିଲା । ଆଉ ଏହି ସମୟରେ ପ୍ରଭାସଙ୍କ ‘କଳକୀ’ ୨୮୯୮, ସଲମାନଙ୍କ କିକ୍, ରଣବୀର କପୁରଙ୍କ ସଞ୍ଜକୁ ବି ପଛରେ ପକାଇ ଆଗକୁ ମାଡି ଯାଇଥିଲା ।
ଅଷ୍ଟମ ଦିନ
ଏହିଦିନ ଫିଲ୍ମର ରୋଜଗାର ୩୨ କୋଟି ଟଙ୍କା ଥିଲା । ଏହାସହ ହିନ୍ଦିରେ ସବୁଠାରୁ ଅଧିକ ରୋଜଗାର କରିଥିବା ରେକର୍ଡ ବନାଇଥିଲା ଧୁରନ୍ଧର । ଯାହା ପୁସ୍ପା-୨ ଓ ଛାବାକୁ ବି ପଛରେ ପକାଇ ଦେଇଥିଲା ।
ନବମ ଦିନ
ଏହି ୨୦ ଦିନ ଭିତରେ ସବୁଠାରୁ ଅଧିକ ଦ୍ବିତୀୟ ରୋଜଗାର ନବମ ଦିନରେ କରିଥିଲା ଧୁରନ୍ଧର । ଏହିଦିନ ଫିଲ୍ମ ୫୩ କୋଟି ଟଙ୍କାର ରୋଜଗାର କରିବା ସହ ୩୦୦ କୋଟି ପାଖାପାଖି ପହଞ୍ଚି ଯାଇଥିଲା । ଏହାସହ ୨୫୦ କୋଟି କ୍ଲବରେ ବି ସାମିଲ ହୋଇଯାଇଥିଲା ।
ଦଶମ ଦିନ
ଦଶମ ଦିନ ଶେଷ ହେବା ବେଳକୁ ଧୁରନ୍ଧର ଭାରତରେ ୫୮ କୋଟି ଟଙ୍କା ରୋଜଗାର କରିସାରିଥିଲା । ଏହାସହ ୨୦୨୪ର ସବୁଠାରୁ ବଡ଼ ଫିଲ୍ମ ପୁସ୍ପା-୨କୁ ପଛରେ ପକାଇ ରେକର୍ଡ କରିଥିଲା । ଛାବା ଓ ଗଦର-୨ ବି ପଛରେ ପଡ଼ି ଯାଇଥିଲେ ।
୧୧ତମ ଦିନ
ଏହିଦିନ ଫିଲ୍ମଟି ସାଢ଼େ ୩୦ କୋଟି ଟଙ୍କା ରୋଜଗାର କରିଥିଲା । ଏହାଦହ ୧୧ ଦିନରେ ସବୁଠାରୁ ଶୀଘ୍ର ୩୫୦ କୋଟି ରୋଜଗାର କରିବାରେ ପ୍ରଥମ ଫିଲ୍ମ ବନିଯାଇଥିଲା ।
୧୨ତମ ଦିନ
ଏହିଦିନ ମଧ୍ୟ ହିନ୍ଦିରେ ସବୁଠାରୁ ଅଧିକ ରୋଜଗାର କରିବା ଫିଲ୍ମ ଲିଷ୍ଟର ଏକ ନମ୍ବରରେ ରହିଥିଲା ଧୁରନ୍ଧର । ଓ୍ବିକ୍ ଡେଜର ରୋଜଗାର ମଧ୍ୟ କମ ହୋଇ ନଥିଲା ।
୧୩ତମ ଦିନ
ସାରା ଦୁନିଆରେ ମାତ୍ର ୧୩ ଦିନରେ ୪୦୦ କୋଟି ପାର କରିଯାଇଥିଲା ଧୁରନ୍ଧର । ହେଲେ ଛାବା, କେଜିଏଫ-୨ ଓ ବାହୁବଳି-୨ ପରି ଫିଲ୍ମକୁ ଏହି ଅଙ୍କ ଛୁଇଁବାକୁ ୧୫ ଦିନ ଲାଗିଥିଲା ।
୧୪ତମ ଦିନ
ଏହିଦିନ ଫଇଲ୍ମଟି ୨୩.୫ କୋଟି ଟଙ୍କା ରୋଜଗାର କରିଥିଲା । ଏହାପରେ ଭାରତରେ କଲେକ୍ସନ ୨୫୩ କୋଟି ଟଙ୍କାରେ ପହଞ୍ଚି ଯାଇଥିଲା । ସେପଟେ ଏହିଦିନ ଧୁରନ୍ଧର ପୁଷ୍ପା-୨, ଯବାନ, ଦଙ୍ଗଲ ଓ ପଠାନ ପରି ୧୦୦୦ କୋଟି ଟଙ୍କା ରୋଜଗାର କରିଥିବା ଫିଲ୍ମକୁ ପଛରେ ପକାଇ ଦେଇଥିଲା ।
୧୫ତମ ଦିନ
୧୫ଦିନରେ ସବୁଠାରୁ ଅଧିକକ ରୋଜଗାର କରିଥିବା ଫିଲ୍ମ ହୋଇଥିଲା ଧୁରନ୍ଧର । ଫିଲ୍ମଟି ଏହିଦିନ ୨୦ କୋଟିରୁ ଅଧିକ ରୋଜଗାର କରିଥିଲା । ସେପଟେ ବାକି ଫିଲ୍ମ ୧୫ କୋଟିରୁ କମ ରୋଜଗାର କରିଥିଲେ ।
୧୬ତମ ଦିନ
ଏହିଦିନ ଦ୍ରୁତ ୫୦୦ କୋଟି ଟଙ୍କା ରୋଜଗାର କରିବାରେ ଧୁରନ୍ଧର ଦ୍ବିତୀୟ ଫିଲ୍ମ ବନିଯାଇଥିଲା । ଧୁରନ୍ଧର ଉପରକୁ କେବଳ ପୁଷ୍ପା-୨ ଥିଲା । ସେହିପରି ଯବାନକୁ ୫୦୦ କୋଟି ରୋଜଗାର କରିବାକୁ ୧୮ ଦିନ ଲାଗିଥିଲା ।
୧୭ତମ ଦିନ
୧୭ତମ ଦିନରେ ଧୁରନ୍ଧର ୩୮.୫ କୋଟି ଟଙ୍କା ରୋଜଗାର କରିଥିଲା । କେବଳ ଭାରତରେ ୧୭ଦିନ ମଧ୍ୟରେ ଫିଲ୍ମଟି ୫୫୫ କୋଟି କଲେକ୍ସନ କରିସାରିଥିଲା ।
୧୮ତମ ଦିନ
ଏହିଦିନ ଚଳିତବର୍ଷ ସବୁଠାରୁ ଅଧିକ ରୋଜଗାର କରିଥିବା ଫିଲ୍ମ ବନିଯାଇଥିଲା ଧୁରନ୍ଧର । ଏହିଦିନ ବିକି କୌଶଲଙ୍କ ଛାବା ଓ ଋଷଭ ସେଠୀଙ୍କ କାନ୍ତାରା ଚାପ୍ଟର ୧କୁ ବି ପଛରେ ପକାଇ ଦେଇଥିଲା ।
୧୯ତମ ଦିନ
ଏହିଦିନ ଫିଲ୍ମଟି ୧୯.୫ କୋଟି ଟଙ୍କା ରୋଜଗାର କରିଥିଲା ଯାହା ହିନ୍ଦିରେ ସବୁଠାରୁ ଅଧିକ କଲେକ୍ସନ ବାଲା ଫିଲ୍ମ ବନିଯାଇଥିଲା । ପଠାନ, ପୁଷ୍ପା-୨ ଓ ବାହୁବଳି-୨କୁ ପଛରେ ପକାଇ ଦେଇଥିଲା ।
୨୦ତମ ଦିନ
ଧୁରନ୍ଧର ୨୦ ଦିନରେ ସାରା ଦୁନିଆରେ ୯୧୫ କୋଟି ଟଙ୍କାରୁ ଅଧିକ କଲେକ୍ସନ କରିନେଇଛି । ଏହାସହ ଆନିମଲକୁ ବି ପଛରେ ପକାଇ ଦେଇଛି । ଯାହାର ଅଲ୍ ଟାଇମ୍ ରୋଜଗାର ୯୧୫ କୋଟି ଥିଲା ।
