ଜୋମାଟୋ, ସ୍ବିଗି, ବ୍ଲିଙ୍କଟ, ଜେପଟୋ, ଆମାଜନ ଓ ଫ୍ଲିପକାର୍ଟ ସମତେ ବିଭିନ୍ନ ଅନଲାଇନ ପ୍ଲାଟଫର୍ମ କର୍ମଚାରୀଙ୍କ ଦେଶବ୍ୟାପୀ ହରତାଳ। ନୂଆବର୍ଷ ପୂର୍ବରୁ ହଜାର ହଜାର କର୍ମଚାରୀଙ୍କ ଧର୍ମଘଟ ଯୋଗୁ ଗୁରୁତର ସମସ୍ୟା ଦେଖାଯାଇଛି। ଲକ୍ଷ ଲକ୍ଷ ଲୋକ ଅନଲାଇନ ଅର୍ଡର ଦେଇ ସୁଦ୍ଧା ଘାଟାର ସମ୍ମୁଖୀନ ହୋଇଛି। ବିଶେଷ କରି ଇ-କମର୍ସ ସେବାରୁ ଗୁରୁତର ବାଧା ପହଞ୍ଚିଛି। ଏହି ଦେଶବ୍ୟାପୀ ଧର୍ମଘଟ ଯୋଗୁ ରିଟେଲରମାନେ ବି କ୍ଷତିର ସମ୍ମୁଖୀନ ହୋଇଛନ୍ତି।
ତେଲଙ୍ଗାନା ଗିଗ୍ ଆଣ୍ଡ ପ୍ଲାଟଫର୍ମ ୱାର୍କର୍ସ ୟୁନିଅନ ଓ ଇଣ୍ଡିଆନ ଫେଡେରେସନ ଅଫ ଆପ୍ ବେସଡ୍ ଟ୍ରାନ୍ସପୋର୍ଟ ୱାର୍କର୍ସ – IFAT ପକ୍ଷରୁ ଦିଆଯାଇଥିବା କାର୍ଯ୍ଯବନ୍ଦ ଡାକରାରେ ସାମିଲ ହୋଇଛନ୍ତି ବିଭିନ୍ନ ରାଜ୍ୟର ଶାଖା ସଂଗଠନ। ମହାରାଷ୍ଟ୍ର, କର୍ଣ୍ଣାଟକ, ଦିଲ୍ଲୀ-ଏନସିଆି, ପଶ୍ଚିମବଙ୍ଗ, ତାମିଲନାଡୁ ସମେତ ଅନ୍ୟାନ୍ୟ ରାଜ୍ୟରେ ଏହାର ପ୍ରଭାବ ପଡିଛି। ଦରମା ଅନୁସାରେ ଅଧିକ ଖଟଣୀ, ଦୀର୍ଘ ସମୟର ଧରି ଡ୍ୟୁଟି, ଅଣନିରାପଦ ଡେଲିଭରୀ ଟାର୍ଗେଟ, କର୍ମକ୍ଷେତ୍ରରେ ମର୍ଯ୍ୟାଦାର ଅଭାବ, ସାଧାରଣ ମୌଳିସ ସାମାଜିକ ସୁରକ୍ଷାର ଅଭାବ ଆଦି ପ୍ରସଙ୍ଗକୁ ନେଇ ଧର୍ମଘଟ କରାଯାଇଛି। କେନ୍ଦ୍ର ଶ୍ରମମନ୍ତ୍ରୀ ମନସୁଖ ମାଣ୍ଡବୀୟଙ୍କ ନିକଟକୁ ପତ୍ର ଲେଖି IFAT ଏହି ଦାବି ପ୍ରସଙ୍ଗରେ ଦର୍ଶାଇଥିଲା। ଏହି ଆନ୍ଦୋଳନରେ ଦେଶର ପ୍ରାୟ ୪ ଲକ୍ଷ କର୍ମଚାରୀ ସାମିଲ ହୋଇଥିବା ସୂଚନା ମିଳିଛି। ଆନ୍ଦୋଳନ ଯୋଗୁ ଫୁଡ, ଗ୍ରୋସରୀ ଡେଲିଭରି ଗୁରୁତର ବାଧାପ୍ରାପ୍ତ ହୋଇଛି।
