ଓଡ଼ିଶା ପ୍ରଶାସନିକ ସେବା ପରୀକ୍ଷାର୍ଥୀଙ୍କୁ ଏଣିକି ଦେୟ ଦେବାକୁ ପଡ଼ିବ । ଓଡ଼ିଶା ଲୋକସେବା ଆୟୋଗ ଅଧିନରେ କୌଣସି ଲିଖିତ ପରୀକ୍ଷା ଦେବାକୁ ଇଚ୍ଛୁକ ପରୀକ୍ଷାର୍ଥୀମାନେ ୭ଶହ ଟଙ୍କା ଦେୟ ଦେବାକୁ ପଡ଼ିବ । ପରୀକ୍ଷାର୍ଥୀ ଲିଖିତ ପରୀକ୍ଷାରେ ଉପସ୍ଥିତ ରହିଲେ ଦେୟ ଫେରସ୍ତ କରାଯିବ । ଯଦି ପରୀକ୍ଷାର୍ଥୀ ଲିଖିତ ପରୀକ୍ଷାରେ ଅନୁପସ୍ଥିତ ରୁହନ୍ତି, ତାହାଲେ ଦେୟ ଫେରସ୍ତ ହେବ ନାହିଁ । ଦେୟ ବ୍ୟବସ୍ଥା ଅନୁସୂଚିତ ଜାତି, ଜନଜାତି ଓ ଦିବ୍ୟାଙ୍ଗ ପରୀକ୍ଷାର୍ଥୀଙ୍କ ଲାଗୁ ହେବ ନାହିଁ । ୨୦୧୮ରେ ଓପିଏସସି ପରୀକ୍ଷାର୍ଥୀଙ୍କ ପାଇଁ ଦେୟ ୫ଶହ ଟଙ୍କା ଥିବା ବେଳେ ୨୦୨୨ ମସିହାରେ ଏହାକୁ ସରକାର ଛାଡ଼ କରିଥିଲେ । ଏବେ ସରକାର ପୁଣି ଥରେ ଦେୟ ବ୍ୟବସ୍ଥା ଲାଗୁ କରିଛନ୍ତି ।
