ଗ୍ୟାରେଜରେ ଦୁଇ ଯୁବକଙ୍କୁ ହତ୍ୟା ଘଟଣାରେ ୩ ଗିରଫ
ନନ୍ଦିଘୋଷ ବ୍ୟୁରୋ: ଗ୍ୟାରେଜରେ ଦୁଇ ଯୁବକଙ୍କୁ ବିଭତ୍ସ ହତ୍ୟା ଘଟଣା । ୩ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କଲା ଟାଙ୍ଗୀ ପୋଲିସ । ଗତ ୩୧ ତାରିଖ କଟକ ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ନିର୍ଗୁଣ୍ଡି ନିକଟରେ ଘଟିଥିଲା ଘଟଣା ।
ମାମଲାରେ ଗ୍ୟାରେଜ ମାଲିକଙ୍କ ସହ ଦୁଇ କର୍ମଚାରୀକୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ହେଲେ ଗ୍ୟାରେଜ ମାଲିକ ଦିଲ୍ଲୀପ କୁମାର ନାୟକ, ସିକ୍ୟୁରିଟି ଗାର୍ଡ ଜ୍ଞାନ ରଞ୍ଜନ ମହାନ୍ତି ଓ ଗ୍ୟାରେଜ କର୍ମଚାରୀ ମିଥୁନ କୁମାର ସିଂ । ଘଟଣାରେ ଆଉ ୫ରୁ ୬ ଜଣ ଅଭିଯକ୍ତ ସାମିଲ ଥିବାବେଳେ ତାଙ୍କୁ ଖୁବଶୀଘ୍ର ଗିରଫ କରାଯିବ ବୋଲି କହିଛନ୍ତି ଚୌଦ୍ବାର ଏସଡିପିଓ ଉମାକାନ୍ତ ନାୟକ ।
