ନନ୍ଦିଘୋଷ ବ୍ୟୁରୋ : ସକାଳୁ ସକାଳୁ ଅଭାବନୀୟ ଘଟଣା । ରାଜ୍ୟର ବିଭିନ୍ନ ଜିଲ୍ଲା କୋର୍ଟକୁ ବୋମାରେ ଉଡାଇ ଦେବାକୁ ଆସିଛି ଧମକ । ସମ୍ବଲପୁର, କଟକ, ଦେବଗଡ଼ ଆଦି ଜିଲ୍ଲା କୋର୍ଟକୁ ଇ-ମେଲ ଯୋଗେ ଆସିଛି ବୋମା ଧମକ । ଯାହାକୁ ନେଇ ପୋଲିସ ପ୍ରଶାସନ ସତର୍କ ହେବା ସହ ତଲାସୀ ଅଭିଯାନ ଚଳାଇଛି । କୋର୍ଟ ପରିସରକୁ ଖାଲି କରାଯାଇଛି । କୋର୍ଟ ପରିସରରେ ବୋମା ନିଷ୍କ୍ରିୟକାରୀ ସ୍କ୍ବାଡ ପହଞ୍ଚି ଯାଞ୍ଚ କରୁଛନ୍ତି । କଟକରେ ହାଇକୋର୍ଟକୁ ମଧ୍ଯ ଯାଞ୍ଚ କରାଯାଉଛି । ହାଇକୋର୍ଟ ମଧ୍ୟ ଖାଲି କରାଯାଇଛି । ବୋମାଟି ଦିନ ୨ଟା ୪୫ରେ ଫୁଟିବା ନେଇ ମେଲରେ ସୂଚନା ଆସିଛି ।
