ଡେଲିଭରୀ ବୟଙ୍କ ସୁରକ୍ଷାକୁ ଦୃଷ୍ଟିରେ ରଖି ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି । ଶ୍ରମ ମନ୍ତ୍ରଣାଳୟ ୧୦ ମିନିଟର ଡେଲିଭରୀ ଉପରେ ରୋକ ଲଗାଇଛି । ଏନେଇ ବିଭାଗ ଦେଶର ପ୍ରମୁଖ ଅନଲାଇନ ଡେଲିଭରୀ କମ୍ପାନୀ ଯେପରିକି ସ୍ବିଗୀ, ଜୋମାଟୋ ସହ ଆଲୋଚନା କରିଛି । ଏହି ପ୍ରସଙ୍ଗରେ କେନ୍ଦ୍ରମନ୍ତ୍ରୀ ମନସୁଖ ମଣ୍ଡାଭିୟା ବ୍ଲିଙ୍କିଟ, ଜେପ୍ଟୋ, ସ୍ବିଗୀ, ଜୋମାଟୋର ଅଧିକାରୀଙ୍କ ସହ କଥା ହୋଇଥିଲେ ଓ ଡେଲିଭରୀ ପାଇଁ ସମୟସୀମା ହଟାଇବାକୁ କହିଥିଲେ । ସବୁ କମ୍ପାନୀ ସରକାରଙ୍କୁ ଆଶ୍ବାସନା ଦେଇଥିଲେ ଯେ, ସେମାନେ ନିଜ ନିଜର ବ୍ରାଣ୍ଡ ଏଡ ସୋସିଆଲ ମିଡ଼ିଆରୁ ଡେଲିଭରୀର ସମୟସୀମା ହଟାଇବେ । ଏହାପରେ ବ୍ଲିଙ୍କିଟ ନିଜର ସବୁ ବ୍ରାଣ୍ଡରୁ ୧୦ ମିନିଟରେ ଡେଲିଭରୀ କରିବା ହଟାଇ ଦେଇଛି ।
ଦେଶରେ ଗତ ଡିସେମ୍ବର ୨୫ ଓ ୩୧ ଦିନ ଗିଗ ଓ୍ବାର୍କର୍ସଙ୍କ ବଡ଼ ହରତାଳ ହୋଇଥିଲା । ତା’ପରେ ସେମାନଙ୍କର ସୁରକ୍ଷାକୁ ନେଇ କଥା ହେବା ଆରମ୍ଭ ହୋଇଥିଲା । ଏବେ ସରକାର ଏହା ଉପରେ ଧ୍ୟାନ ଦେଇ ଏକ ବଡ଼ ନିଷ୍ପତ୍ତି ଗ୍ରହଣ କରିଛନ୍ତି । କାରର ୧୦ ମିନିଟର ଡେଲିଭରୀ ଚକ୍କରରେ ଅନେକ ଏପରି ମାମଲା ସାମ୍ନାକୁ ଆସିଥିଲା । ଅନେକ ସମୟରେ ଶୀଘ୍ର ଜିନିଷ ପହଞ୍ଚାଇବା ଚକ୍କରରେ ଡେଲିଭରୀ ବୟ ଦୁର୍ଘଟଣାର ଶିକାର ହେଉଥିଲେ । ମାତ୍ର ଏବେ ଆଉ ଉକ୍ତ ସମସ୍ୟା ଦେଖିବାକୁ ମିଳିବନି । ଡେଲିଭରି ଟାଇମଟାଇନ ସହ ଜଡ଼ିତ ଚିନ୍ତାକୁ ଦୂର କରିବା ପାଇଁ ବ୍ଲିଙ୍କିଟ, ଜୋମାଟୋ ଓ ସ୍ବିଗୀ ପରି ବଡ଼ ପ୍ଲାଟଫର୍ମ ସହ ଏକ ମିଟିଂ ହୋଇଥିଲା । ବ୍ଲିଙ୍କିଟ ପ୍ରଥେମ ଏହି ନିର୍ଦ୍ଦେଶ ଉପରେ କାମ କରିଛି ଓ ନିଜର ବ୍ରାଣ୍ଡିଂରେ ୧୦ ମିନିଟର ଡେଲିଭରୀକୁ ହଟାଇ ଦେଇଛି ।
