ନାମ ସଂକୀର୍ତ୍ତନରେ କମ୍ପୁଛି ପରିବେଶ । ଲାଗିଛି ଦୋକାନ ବଜାର । ଲୋକାରଣ୍ୟ ପରିବେଶ । ବୌଦ୍ଧ ଜିଲ୍ଲା କଣ୍ଟାମାଳ ପଲସାଗୋରାରେ ଜମୁଛି ମକର ମେଳା । ବୁଧବାରଠୁ ସ୍ଥାନୀୟ ଶିବ ମନ୍ଦିରରେ ପୂଜାପାଠ ସହ ୨୪ ଘଣ୍ଟିଆ ନାମ ଯଜ୍ଞ ଚାଲିଛି । ମକର ମେଳାରେ ମୀନା ବଜାର ସହ ଅନ୍ୟାନ୍ୟ ଦୋକାନ ପସରା ମେଲାଇଥିବାବେଳେ ଦୋକନରେ ଲୋକଙ୍କ ଭିଡ଼ ଲାଗୁଛି । ଲୋକେ ଯାତ୍ରା ଦେଖିବା ସହ ମକର ହାଟରୁ ଘରକରଣା ସାମଗ୍ରୀ ସୁଲଭ ଦରରେ କିଣି ନେଉଛନ୍ତି । ମକର ଯାତ୍ରା ଆସନ୍ତା ୧୯ ତାରିଖ ପର୍ଯ୍ୟନ୍ତ ଚାଲିବ ।
ସେପଟେ ସମ୍ବଲପୁର ଜିଲ୍ଲା ବାମରା ବ୍ଲକ ସଦର ମହକୁମାରେ ହରିହର ମିଳନ ସହ ଆରମ୍ଭ ହୋଇଛି ମକର ମେଳା । ମକର ମେଳା ଦେଖିବାକୁ ହଜାର ହଜାର ଲୋକଙ୍କ ଭିଡ଼ ଲାଗୁଛି । ମୀନା ବଜାର, ଭୂତକୋଠି ଓ ଜଳ ପରୀ ଭଳି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ମଜା ନେଉଛନ୍ତି ଲୋକେ । ମେଳାଟି ୮ ଦିନ ଧରି ଚାଲିବ । ମକର ମେଳା ପାଇଁ ଉତ୍ସବମୁଖର ହୋଇଉଠିଛି ପଶ୍ଚିମ ଓଡିଶାର ବିଭିନ୍ନ ଅଞ୍ଚଳ ।
