ଭୁଶୁଡୁଛି ଲାଲ ଦୁର୍ଗ॥ ଛତିଶଗଡ ଗରିଆବନ୍ଧରେ ୯ ନକ୍ସଲଙ୍କ ଆତ୍ମ ସମର୍ପଣ। ଅସ୍ତ୍ରଶସ୍ତ୍ର ସହ ଗରିଆବନ୍ଧ ପୋଲିସ ନିକଟରେ ଆତ୍ମ ସମର୍ପଣ କରିଛନ୍ତି ନକ୍ସଲ। ଏମାନଙ୍କ ନାଁରେ ମୋଟ ୪୫ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା ଥିଲା। ୩ଟି AK-୪୭, ଦୁଇଟି SLR ଓ ଗୋଟିଏ ୩୦୩-କାଲିବର ରାଇଫଲ୍ ସମେତ ଛଅଟି ସ୍ୱୟଂଚାଳିତ ଅସ୍ତ୍ରଶସ୍ତ୍ର ଜବତ ହୋଇଛି । ଛତିଶଗଡ଼ର ଗରିଆବନ୍ଧ ଜିଲ୍ଲାରେ ମାଓ ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି। ସିନାପାଲି ଏବଂ SDK କ୍ଷେତ୍ର କମିଟିରେ ସକ୍ରିୟ ଥିଲେ ଏହି ନଅ ଜଣ ହାର୍ଡକୋର ନକ୍ସଲ। ଆତ୍ମସମର୍ପଣ କରିଥିବା ନକ୍ସଲଙ୍କ ମଧ୍ୟରେ ଅଞ୍ଜୁ ଓରଫ କବିତା, ସୋନି ଓରଫ ବୁଦ୍ରି ଓ ଡମରୁ ଅଛନ୍ତି। ଏମାନଙ୍କ ନାଁରେ ୮ ଲକ୍ଷ ପୁରସ୍କାର ରାଶି ଥିଲା।ସମସ୍ତଙ୍କୁ ପୁନର୍ବାସ ଯୋଜନାରେ ଥଇଥାନ କରାଯିବ।
