ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ଅଫିସିଆଲ ଭାବେ ପୋଷ୍ଟଗ୍ରାଜୁଏଟ (ପିଜି) କୋର୍ସେସରେ ଆଡମିସନ ପାଇଁ ରେଜିଷ୍ଟ୍ରେସନର ଅନ୍ତିମ ତାରିଖ ବୃଦ୍ଧି କରିଛି । ଏବେ ଛାତ୍ରଛାତ୍ରୀମାନେ ଆସନ୍ତା ୨୩ ତାରିଖ ସୁଦ୍ଧା ନିଜର ରେଜିଷ୍ଟ୍ରସନ ପୂରା କରିପାରିବେ । ଛାତ୍ରଛାତ୍ରୀମାନେ ଅଫିସିଆଲ ଓ୍ବେବସାଇଟ https://exams.nta.nic.in/cuet-pg/ କୁ ଯାଇ ନିଜର ଆବେଦନ କରିପାରିବେ । ସାରା ଦେଶର ହଜାର ହଜାର ଛାତ୍ରଛାତ୍ରୀ ଓ ଅଭିଭାବକଙ୍କ ଅନୁରୋଧକୁ ଧ୍ୟାନରେ ରଖି ଏହି ନିଷ୍ପତ୍ତି ନିଆଯାଇଛି । ବୈଷୟିକ ତ୍ରୁଟି ଓ ଅନ୍ୟ କାରଣରୁ କିଛି ଛାତ୍ରଛାତ୍ରୀ ସଠିକ୍ ସମୟରେ ଫର୍ମ ଭରିପାରିନଥିଲେ । ଜାନୁଆରୀ ୨୫ ତାରିଖ ସୁଦ୍ଧା ପ୍ରାର୍ଥୀମାନେ ପରୀକ୍ଷା ଫିସ୍ ଜମା କରିପାରିବେ । ସେହିପରି କରେକ୍ସନ ଓ୍ବିଣ୍ଡୋ ଅବଧି ଜାନୁଆରୀ ୨୮ ପର୍ଯ୍ୟନ୍ତ ରହିଛି ।
