ଓଡିଶା – ଝାଡ଼ଖଣ୍ଡ ସୀମାରେ ସୁରକ୍ଷା କର୍ମୀ-ମାଓବାଦୀ ଗୁଳି ବିନିମୟ। ୨୦ ବର୍ଷରୁ ଅଧିକ ସମୟ ଧରି ଆତଙ୍କ ଖେଳାଇଥିବା ଦୁଇ ପ୍ରମୂଖ ମାଓ ନେତା ଟଳିଛନ୍ତି l ଗତକାଲି ଝାଡ଼ଖଣ୍ଡର ସାମଠା ଓ କିରିବୁରୁ ମଝିରେ ଥିବା କୁମୁଟି ଜଙ୍ଗଲରେ ପ୍ରତ୍ୟୁଷରେ ହୋଇଥିଲା ଗୁଳି ବିନିମୟ l ଗୁଇନ୍ଦା ସୂତ୍ରରୁ ସୂଚନା ପାଇ ଝାଡ଼ଖଣ୍ଡରେ ମୁତୟନ ସଂଯୁକ୍ତ ବଳ କୋବ୍ରା ୨୦୯ ନମ୍ବର ବାଟାଲିୟନ ସହ ଝାଡ଼ଖଣ୍ଡ ଜାଗୁଆର ଟିମ, ସିଆରପିଏଫର ମିଳିତ ଅପରେସ ରେ ସମୁଦାୟ ୧୫ ଜଣ ନକ୍ସଲଙ୍କ ମୃତ୍ୟୁ ଘଟିଥିଲା। ମୃତ ନକ୍ସଲଙ୍କ ମଧ୍ୟରେ ମୋଷ୍ଟ ୱାଣ୍ଟେଡ଼ ମାଓବାଦୀ ଅନଲ ଓରଫ ପତିରାମ ମାଞ୍ଜିର ମୁଣ୍ଡ ପାଇଁ ୨ କୋଟି ୩୫ ଲକ୍ଷ , ଅନମୋଲ ଓରଫ ସୁଶାନ୍ତ ଓରଫ ସମର ଜିର ମୁଣ୍ଡ ପାଇଁ ୯୦ ଲକ୍ଷ ଟଙ୍କା ଘୋଷଣା ହୋଇଥିଲା। ସେହିପରି ଏରିଆ କମାଣ୍ଡର ଅମିତ ମୁଣ୍ଡା ମୁଣ୍ଡ ପାଇଁ ୬୨ ଲକ୍ଷ ଟଙ୍କା ପୁରସ୍କାର ରାଶି ଘୋଷିତ ହୋଇଥିଲା l ଏହି ତିନିଜଣ ହାର୍ଡକୋର ମାଓନେତା ଙ୍କ ନାଁ ରେ ଉଭୟ ଓଡିଶା ଓ ଝାଡ଼ଖଣ୍ଡ ରାଜ୍ଯ ସରକାର ୩ କୋଟି ୮୭ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଥିଲେ l ବଣାଇଁ କେ. ବଲାଙ୍ଗ ଥାନା ଅନ୍ତର୍ଗତ ବାଙ୍କୋ ପଥର ଖାଦାନ ରୁ ୫ ଟନ ବିଷ୍ପୋରକ ଲୁଟ ଘଟଣା ରେ ଏନ୍ ଆଇ ଏ ପକ୍ଷରୁ ଏମାନଙ୍କୁ ଧରିଲେ ୧୯ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଥିଲେ l ଅନ୍ୟ ମୃତକଙ୍କ ମଧ୍ୟରେ ପିଣ୍ଟୁ ଲୋହରା, ଲାଲଜିତ ଓରଫ ଲାଲୁ, ବୁଲବୁଲ ଆଲଦା, ବବିତା, ପୂର୍ଣ୍ଣିମା ପ୍ରମୁଖ ଅଛନ୍ତି।
