ନିଜର ବୟାନକୁ ନେଇ ପୂର୍ବତନ ପାକିସ୍ତାନୀ କ୍ରିକେଟର ଅନେକ ସମୟରେ ଚର୍ଚ୍ଚାରେ ରହିଥାନ୍ତି । ଏବେ ପାକିସ୍ତାନର ପୂର୍ବ ଅଧିନାୟକ ଟି-୨୦ ବିଶ୍ବକପ ବିବାଦକୁ ନେଇ ନିଜର ରାୟ ରଖିଛନ୍ତି । ପାକିସ୍ତାନ ଟି-୨୦ ବିଶ୍ବକପରେ ଭାରତ ବିପକ୍ଷ ଗ୍ରୁପ ମ୍ୟାଚରେ ଖେଳିବନି ବୋଲି ନିଷ୍ପତ୍ତି ନେଇଛି । ପାକିସ୍ତାନ ସରକାର ଏହି ନିଷ୍ପତ୍ତିକୁ ସମର୍ଥନ କରିଛନ୍ତି ।
୨୦୨୬ ଟି-୨୦ ବିଶ୍ବକପର ବିବାଦ ମଧ୍ୟରେ ଆଫ୍ରିଦୀ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ’ରେ ଏକ ପୋଷ୍ଟ ଶେୟାର କରିଛନ୍ତି । ଆଫ୍ରିଦୀ କ୍ରିକେଟକୁ ରାଜନୀତିରୁ ଊର୍ଦ୍ଧ୍ବରେ ମାନନ୍ତି ବୋଲି କହିଛନ୍ତି । ମାତ୍ର ଏହା ପରେ ବି ସେ ପାକିସ୍ତାନ ସରକାରଙ୍କ ନିଷ୍ପତ୍ତିକୁ ସମର୍ଥନ କରିଛନ୍ତି । ପାକିସ୍ତାନ ସରକାର ଟି-୨୦ ବିଶ୍ବକପ ପାଇଁ ନିଜର ଟିମ୍ ଶ୍ରୀଲଙ୍କା ଯାତ୍ରାକୁ ମଞ୍ଜୁରୀ ଦେଇଥିଲା । ମାତ୍ର ଭାରତ ବିପକ୍ଷ ଗ୍ରୁପ ମ୍ୟାଚ ଖେଳିବାକୁ ନିଷ୍ପତ୍ତି ନେଇଥିଲା । ଯେଉଁ ଦ୍ବାରକୁ ରାଜନୀତି ବନ୍ଦ କରିଦିଆ, ସେହି ଦ୍ବାରକୁ କ୍ରିକେଟ ଖୋଲିପାରେ । ଭାରତ ବିପକ୍ଷ ମ୍ୟାଚ ନ ଖେଳିବା ଦୁର୍ଭାଗ୍ୟପୂର୍ଣ୍ଣ ବୋଲି ସେ ସ୍ବୀକାର କରିଛନ୍ତି । ନିଜ ପୋଷ୍ଟରେ ଆଫ୍ରିଦୀ ଇଣ୍ଟରନ୍ୟାସନାଲ କ୍ରିକେଟ ପରିଷଦ (ICC) ଉପରେ ହିଁ ପ୍ରଶ୍ନ ଉଠାଇଛନ୍ତି । କେବଳ ବୟାନ ଦେବାକୁ ନୁହେଁ, ଏବେ ନିଷ୍ପତ୍ତି ନେଇ ନେତୃତ୍ବ ନେବାର ସମୟ ଆସିଯାଇଛି ବୋଲି ଆଫ୍ରିଦୀ କହିଛନ୍ତି ।
