ଚାକିରିଆ ପାଇଁ ଆସିଛି ଏକ ବଡ଼ ଖବର । ଇତିହାସର ଏକ ବଡ଼ ଧରଣର ଛଟେଇ କରିବାକୁ ଯାଉଛି ଓରାକଲ । ଏହି ଟେକ୍ ଫାର୍ମ ୩୦ ହଜାର କର୍ମଚାରୀଙ୍କୁ କାର୍ଯ୍ୟନ୍ତରୁ ଅନ୍ତର କରିବାକୁ ଯାଉଛି । କୃତ୍ରିମ ବୁଦ୍ଧିମତା (ଏଆଇ) ଡାଟା ସେଣ୍ଟର ପ୍ରତିଷ୍ଠା କରିବାକୁ ଯାଇ କମ୍ପାନୀ ଆର୍ଥିକ ସଙ୍କଟ ଦେଇ ଗତି କରୁଥିଲା । ତେଣୁ କମ୍ପାନୀ ଏହି ବଡ଼ ପଦକ୍ଷେପ ନେବାକୁ ପ୍ଲାନ କରୁଛି ।
ସୂତ୍ର ମୁତାବକ, ଓରାକଲର ନୂଆ ଏଆଇ ଡାଟା ସେଣ୍ଟର ବିସ୍ତାର କାରଣରୁ ନିକଟରେ ଆମେରିକାର ବଡ଼ ବ୍ୟାଙ୍କମାନେ ଅର୍ଥ ହ୍ରାସ କରିଥିଲେ । ଓରାକଲର ଏଆଇ ବିସ୍ତାରର ଅର୍ଥ ପ୍ରଦାନ ପ୍ରକ୍ରିୟାରୁ ଋଣଦାତାମାନେ ପଛକୁ ହଟିବାକୁ ନେଇ କମ୍ପାନୀ ଚିନ୍ତିତ ଥିଲା ବୋଲି କିଛି ବଡ଼ ଋଣ ଓ ଇକ୍ବିଟି ନିବେଶକ କହିଛନ୍ତି । କ୍ୟାପିଟାଲ ପାଇଁ ଓରାକଲ ପାଇଁ ମୁସ୍କିଲ ହୋଇଯାଇଥିଲା । ତେଣୁ କାର୍ଯ୍ୟନିର୍ବାହୀମାନେ ବଡ଼ଧରଣର କଷ୍ଟ-କଟିଂ କରିବାକୁ ନିଷ୍ପତ୍ତି ନେଇଥିବା ସୂତ୍ରରୁ ଜଣାପଡ଼ିଛି । ଓରାକଲ ବିଶ୍ବସ୍ତରରେ ପାଖାପାଖି ୧୦ ପ୍ରତିଶତ କର୍ମଚାରୀଙ୍କୁ କାର୍ଯ୍ୟରୁ ଅନ୍ତର କରିପାରେ । ଏହାଦ୍ବାରା ୨୦-୩୦ ହଜାର କର୍ମଚାରୀଙ୍କ ଚାକିରି ପ୍ରତି ସଙ୍କଟ ଛାଇଯାଇଛି ।
