ଟି-୨୦ ବିଶ୍ବକପରୁ ଲଜ୍ଜାଜନକ ଭାବେ ବିଦାୟ ନେଇଛି ଶକ୍ତିଶାଳୀ ଅଷ୍ଟ୍ରେଲିଆ ଟିମ୍ । ଅଷ୍ଟ୍ରେଲିଆ ସୁପର-୮ରେ ପ୍ରବେଶ କରିବାରେ ବିଫଳ ହୋଇଛି । ଖରାପ ଖେଳ ପ୍ରଦର୍ଶନ କରିଥିବା ଅଷ୍ଟ୍ରେଲିର ସାଥ ଦେଇନଥିଲା ଭାଗ୍ୟ । ଆୟର୍ଲାଣ୍ଡ ଓ ଜିମ୍ବାଓ୍ବେ ମ୍ୟାଚ ବର୍ଷା କାରଣରୁ ବାତିଲ ହେବାରୁ ଅଷ୍ଟ୍ରେଲିଆ ବିଶ୍ବକପରୁ ବାଦ୍ ପଡ଼ିଛି । ଜିମ୍ବାଓ୍ବେର ଏବେ ୩ଟି ମ୍ୟାଚରୁ ୫ ଅଙ୍କ ହୋଇଯାଇଛି । ଅଷ୍ଟ୍ରେଲିଆ ଟିମ୍ ନିଜର ପରବର୍ତ୍ତୀ ମ୍ୟାଚ ଜିତିଲେ ତା’ର ମୋଟ ଅଙ୍କ ୪ରେ ପହଞ୍ଚିବ ।
୧୭ ବର୍ଷ ପରେ ଅଷ୍ଟ୍ରେଲିଆ ପ୍ରଥମ ଥର ଟି-୨୦ ବିଶ୍ବକପରେ ଏଭଳି ଦୁର୍ଦ୍ଦଶା ଭୋଗିଛି । ଏହା ପୂର୍ବରୁ ୨୦୦୯ରେ ଅଷ୍ଟ୍ରେଲିଆ ଗ୍ରୁପ ଷ୍ଟେଜରୁ ବିଦାୟ ନେଇଥିଲା । ଗତ ୩ଟି ସଂସ୍କରଣରେ ଅଷ୍ଟ୍ରେଲିଆ ଟି-୨୦ ବିଶ୍ବକପରେ ଭଲ ପ୍ରଦର୍ଶନ କରିନଥିଲା । ୨୦୨୨ରେ ଦଳ ସୁପର-୧୨ରୁ ବାହାର ହୋଇଥିଲା । ୨୦୨୪ରେ ସୁପର-୮ରେ ସମାପ୍ତ ହୋଇଥିଲା ଓ ୨୦୨୬ରେ ଗ୍ରୁପ ଷ୍ଟେଜରେ ଅନ୍ତ ଘଟିଛି । ୨୦୨୧ରେ ଦଳ ବିଶ୍ବକପ ଜିତିଥିଲା । ତା’ ପରଠାରୁ ଦଳର ବିଜୟ ଗ୍ରାମ ନିମ୍ନମୁଖୀ ହେବାରେ ଲାଗିଛି ।
