ଥାଇଲାଣ୍ଡରେ ଫସିଛନ୍ତି ୬ ଜଣ ଓଡିଆ ଶ୍ରମିକ । ପେଟପାଟଣା ପାଇଁ ଥାଇଲାଣ୍ଡ ଯାଇଥିବା କେନ୍ଦ୍ରାପଡ଼ା ରାଜକନିଆ ଅଞ୍ଚଳର ୬ ଜଣ ଯୁବକ ଫସି ଯାଇଛନ୍ତି । ଚାରି ମାସ ହେବ ସେମାନଙ୍କୁ ଟଙ୍କା ମିଳୁନି । ୫ ଦିନ ହେଲା ଭୋକ ଉପାସରେ ଦିନ କାଟୁଛନ୍ତି । ଘରକୁ ଫେରିବାକୁ ସରକାରଙ୍କ ନିକଟରେ ଆକୁଳ ନିବେଦନ କରିଛନ୍ତି ୬ ଜଣ ଶ୍ରମିକ । ରାଜକନିକା ବ୍ଲକ ଜୟନଗର ପଞ୍ଚାୟତ କୁଜିପୁରୁ ଗାଁର ଉମାକାନ୍ତ ସାହୁଙ୍କ ପୁଅ ଯଶବନ୍ତ ସାହୁ, ନୂଆଗାଁର ଜୟନ୍ତ ମଲିକ, ଉପୁଳାଇ ଗାଁର ପ୍ରଶାନ୍ତ ରାଉତ, କଟଣା ବଣିଆ ଗାଁର ହେମନ୍ତ କୁମାର ବେହେରା ଓ କୌଡିଆପାଳ ଗାଁର ମନୋରଞ୍ଜନ ସାହୁ ଥାଇଲାଣ୍ଡରେ ଫସିଯାଇଛନ୍ତି । ରୋଜଗାର ପାଇଁ ୨୦୨୫ ଅଗଷ୍ଟ ମାସରେ ୬ ଜଣ ଯୁବକ ଥାଇଲାଣ୍ଡ ଯାଇଥିଲେ । ଥାଇଲାଣ୍ଡ ଚୋନ ବୁରୀ ଅଞ୍ଚଳରେ ଏକ ପ୍ଲାଇ ଉଡ କମ୍ପାନୀରେ କାମ କରୁଥିଲେ । ହେଲେ ଚାରି ମାସ ହେବ କମ୍ପାନୀ ସେମାନଙ୍କୁ ଟଙ୍କା ଦେଉନି । ଛଅ ଦିନ ହେବ ଖାଇବାକୁ ଦେଉ ନାହିଁ । ଭିସା ଗୁଡିକ ଛଡାଇ ନେଇଯାଇଛନ୍ତି କମ୍ପାନୀ ମାଲିକ । ପାଖରେ ଟଙ୍କାଟିଏ ନାହିଁ । ଫଳରେ ଭୋକ ଉପାସରେ ପଡି ରହିଛନ୍ତି ୬ ଜଣ ଓ଼ଡ଼ିଆ ଶ୍ରମିକ l ଘରକୁ ଫେରାଇ ଆଣିବାକୁ ସରକାରଙ୍କ ନିକଟରେ ଆକୁଳ ନିବେଦନ କରିଛନ୍ତି । ଏପଟେ ଯଶବନ୍ତଙ୍କ ଘରେ କାନ୍ଦ ବୋବାଳିରେ ଫାଟି ପଡୁଛି । ଘରେ ଚୂଲି ଜଳୁନି । ୬ ଜଣ ପୁଅଙ୍କ ଫେରିବା ବାଟକୁ ଅନାଇ ବସିଛନ୍ତି ପୁରା ପରିବାର l
