ଆଫଗାନିସ୍ତାନ ଉପରେ ପାକିସ୍ତାନର ବଡ଼ ଧରଣର ହମଲା। ବ୍ଲିଜ ଅଞ୍ଚଳରେ ହୋଇଥିବା ଏୟାରଷ୍ଟ୍ରାଇକରେ ୨୮ରୁ ଅଧିକ ମୃତ ସୂଚନା। ଆଜି ଭୋରରୁ ଡୁରାଣ୍ଡ ଲାଇନରେ ଅବସ୍ଥିତ କିଛି ସନ୍ଦିଗ୍ଧ ସ୍ଥାନ ଉପରେ ଏୟାର ଷ୍ଟ୍ରାଇକ ହୋଇଛି। ତେହରିକ-ଇ-ତାଲିବାନ ପାକିସ୍ତାନ ବା ଟିଟିପିର କିଛି ଆଡ୍ଡାସ୍ଥଳୀରେ ଏହି ହମଲା ହୋଇଛି। ସନ୍ଦିଗ୍ଧ ସ୍ଥାନ ଉପରେ ପାକିସ୍ତାନର ବିଭିନ୍ନ ଲଢୁଆ ଜେଟ କରିଛନ୍ତି ହମଲା। ଏହି ଅପରେସନ ପୂର୍ବ ଓ ଦକ୍ଷିଣ ପଶ୍ଚିମ ଆଫଗାନିସ୍ତାନ ଅଞ୍ଚଳରେ ହୋଇଥିଲା। ପକତିକା ପ୍ରଜାତନ୍ତ୍ରର ବାରମାଲ ଜିଲ୍ଲାର ବହୁ ଅଞ୍ଚଳକୁ କରାଯାଇଥିଲା ଟାର୍ଗେଟ। ହମଲା ବେଳେ ସ୍ଥାନୀୟ ଅଞ୍ଚଳରେ ପ୍ରଚଣ୍ଡ ବିସ୍ଫୋରଣ ଘଟିଥିଲା। ଡୁରାଣ୍ଡ ଲାଇନ ଅନ୍ତର୍ଗତ ମାର୍ଘା ଅଞ୍ଚଳରେ ବି ଏହି ଏୟାର ଷ୍ଟ୍ରାଇକ ହୋଇଛି। ବାରମାଲସ୍ଥିତ ବାନୁସୀ ମଦ୍ରାସା ଉପରେ ବି କିଛି ଅଜଣା ବିମାନ ଜୋରଦାର ହମଲା କରିଛନ୍ତି। ଆଫଗାନିସ୍ତାନର ସମୁଦାୟ ୮ଟି ସ୍ଥାନରେ ଏହି ହମଲା ହୋଇଛି। ଖୋସ୍ତ, ନନଗରହାର ବି ପଡ଼ିନି ବାଦ୍। ଏହି ଏୟାରଷ୍ଟ୍ରାଇକରେ ସାମିଲ ହୋଇଥିଲେ ଏଫ-୧୭ ଓ ଜେଏଫ-୧୭ ପାକିସ୍ତାନୀ ବାୟୁସେନା ବିମାନ।
