ନନ୍ଦିଘୋଷ ବ୍ୟୁରୋ : ଉପରାଷ୍ଟ୍ରପତି ପଦରୁ ଇସ୍ତଫା ଦେବାପରେ ପ୍ରଥମଥର ପାଇଁ ମୁହଁ ଖୋଲିଛନ୍ତି ପୂର୍ବତନ ଉପରାଷ୍ଟ୍ରପତି ଜଗଦୀପ ଧନଖଡ଼। ରାଜସ୍ଥାନର ଚୁରୁ ଜିଲ୍ଲାରେ ଏକ କାର୍ଯ୍ଯକ୍ରମରେ ଯୋଗ ଦେଇ ପୂର୍ବତନ ରାଷ୍ଟ୍ରପତି ଜଗଦୀପ ଧନଖଡ଼ ଥଟ୍ଟା ମଜାରେ ଅନେକ କଥା କହିବାକୁ ଉଦ୍ଯମ କରିଛନ୍ତି। ଯାହାକୁ ନେଇ ସାରା ଦେଶରେ ଚର୍ଚ୍ଚା। ସେ ଆୟୋଜିତ ସଭାରେ କହିଥିଲେ ଯେ, ସ୍ବାସ୍ଥ୍ଯଗତ କାରଣରୁ ସେ ଇସ୍ତଫା ଦେଇନଥିଲେ। ସେ ଅସୁସ୍ଥ ବୋଲି କେବେ ବି କହିନଥିଲେ। ମୁଁ କେବେ ବି ମୋ ସ୍ୱାସ୍ଥ୍ୟକୁ ଅବହେଳା କରିନାହିଁ । ସେହିଭଳି ସ୍ବାଗତ ସମ୍ବର୍ଦ୍ଧନା ବେଳେ ସେ କଥା ଛଳରେ କହିଛନ୍ତି ଯେ, ସେ ଦାଢ଼ିଥିବା ଲୋକଙ୍କୁ ଦେଖି ଡରିଯାଆନ୍ତି। ଧନଖଡ଼ଙ୍କ ଏଭଳି ପ୍ରତିକ୍ରିୟାକୁ ନେଇ ଏବେ ବିଭିନ୍ନ ମହଲରେ ଚର୍ଚ୍ଚା ଲାଗି ରହିଛି। ୨୦୨୫ ଜୁଲାଇ ୨୧ରେ ଜଗଦୀପ ଧନଖଡ଼ ସ୍ୱାସ୍ଥ୍ୟଗତ କାରଣ ଦର୍ଶାଇ ଉପରାଷ୍ଟ୍ରପତି ପଦରୁ ଇସ୍ତଫା ଦେଇଥିଲେ। ତାଙ୍କ ଇସ୍ତଫା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା । ମୌସୁମୀ ଅଧିବେଶନ ଆରମ୍ଭ ହେବାର ଗୋଟିଏ ଦିନ ପୂର୍ବରୁ ସେ ରାଷ୍ଟ୍ରପତିଙ୍କୁ ତାଙ୍କ ଇସ୍ତଫାପତ୍ର ପ୍ରଦାନ କରିଥିଲେ । ଧନଖଡ଼ଙ୍କ ହଠାତ୍ ଇସ୍ତଫା ରାଜନୈତିକ ମହଲରେ ବ୍ୟାପକ ଆଲୋଚନାର ବିଷୟ ପାଲଟିଥିଲା ।
