ନନ୍ଦିଘୋଷ ବ୍ୟୁରୋ : କେନ୍ଦ୍ର ଓ ସମସ୍ତ ରାଜ୍ୟ ସରକାରଙ୍କୁ ସୁପ୍ରିମକୋର୍ଟଙ୍କ କଡ଼ା ନିର୍ଦ୍ଦେଶ। ଏହା ସହ ପୂର୍ଣ୍ଣ କିମ୍ବା ଆଂଶିକ ସରକାରୀ ଅନୁଦାନ ପାଉଥିବା ପ୍ରତିଷ୍ଠାନଗୁଡିକୁ ସର୍ବୋଚ୍ଚ ଅଦାଲତଙ୍କ ନିର୍ଦ୍ଦେଶ। ଏନସିଆଇରଟି ସୋସିଆଲ ସାଇନ୍ସେସ ଅଧ୍ୟକ୍ଷ ପ୍ରଫେସର ମିସେଲ ଡେନିନୋ ଓ ତାଙ୍କ ଦୁଇ ସହଯୋଗୀ ସଦସ୍ୟଙ୍କୁ ଦୂରେଇ ରଖିବା ଲାଗି ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି। ଏନସିଇଆରଟି ଅଷ୍ଟମ ଶ୍ରେଣୀ ସୋସିଆଲ ସାଇନ୍ସ ଟେକ୍ସଟବୁକର କରପସନ ଇନ ଦି ଜୁଡିସିଆରୀ ଶୀର୍ଷକ ବିଷୟ ପ୍ରସ୍ତୁତିରେ ଭୂମିକା ଥିବାରୁ ସେମାନଙ୍କୁ ଦୂରେଇ ରଖିବା ଲାଗି କୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ସିଜେଆଇ ଜଷ୍ଟିସ ସୂର୍ଯ୍ୟକାନ୍ତଙ୍କୁ ନେଇ ଗଠିତ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। କୌଣସି ପ୍ରତିଷ୍ଠାନର ବିଷୟ ପ୍ରସ୍ତୁତି କ୍ଷେତ୍ରରେ ସେମାନଙ୍କୁ ଦୂରେଇ ରଖିବା ଲାଗି ଖଣ୍ଡପୀଠ କହିଛନ୍ତି। ସେମାନଙ୍କଠାରୁ କୌଣସି ପ୍ରକାର ପାଇବା ଲାଗି କେହି ଆଶା ନ କରିବା ଲାଗି କୋର୍ଟ କହିଛନ୍ତି। ପ୍ରଫସର ମିସେଲ ଡେନିନୋ, ତାଙ୍କର ଦୁଇ ସହଯୋଗୀ ସୁପର୍ଣ୍ଣା ଦିବାକର ଓ ଆଲୋକ ପ୍ରସନ୍ନ କୁମାରଙ୍କ ନିକଟରେ ଭାରତୀୟ ବିଚାର ବିଭାଗ ସମ୍ପର୍କରେ ଯଥେଷ୍ଟ ଜ୍ଞାନ ନାହିଁ କିମ୍ବା ସେମାନେ ଜାଣିଶୁଣି ବିଚାର ବିଭାଗକୁ ଭାବମୂର୍ତ୍ତି କ୍ଷୁଣ୍ଣ କରିବା ଲାଗି ଚେଷ୍ଟା କରିଛନ୍ତି ବୋଲି କହିଛନ୍ତି କୋର୍ଟ। ଏପରିକି ସେମାନେ ଅଷ୍ଟମ ଶ୍ରେଣୀର କୋମଳମତି ଛାତ୍ରଛାତ୍ରୀଙ୍କ ମୁଣ୍ଡରେ ଏପରି ହୀନ ଚିନ୍ତାଧାରା ସୃଷ୍ଟି କରିବା ଲାଗି ପ୍ରୟାସ କରିଛନ୍ତି। ପରବର୍ତ୍ତୀ ପିଢ଼ି ଲାଗି ସେମାନଙ୍କୁ ସମ୍ପୃକ୍ତ କରିବାର କୌଣସି କାରଣ ନାହିଁ। ସେମାନଙ୍କୁ ଏସବୁ ସ୍ତରରୁ ଦୂରେଇ ରଖିବା ଲାଗି ସୁପ୍ରିମକୋର୍ଟ ଏହି ନିର୍ଦ୍ଦେଶ ଦେଇଛନ୍ତି।
