ନନ୍ଦିଘୋଷ ବ୍ୟୁରୋ : ପଛକୁ ପଛ ପିଟିହେଲେ ୩ଟି ଗାଡ଼ି । ମର୍ମନ୍ତୁଦ ଦୁର୍ଘଟଣାରେ ଜଣେ ମୃତ, ୪ ଗୁରୁତର। ଭଦ୍ରକ ୧୬ ନମ୍ବର ଜାତୀୟ ରାଜପଥ ତିଶଳପୁର ଛକ ନିକଟରେ ସିରିଜ୍ ଦୁର୍ଘଟଣା । । ଯାତ୍ରୀବାହି ବସ୍ -ଟ୍ରକ ଓ ପିକଅପ ଭ୍ୟାନ୍ ଦୁର୍ଘଟଣାଗ୍ରସ୍ତ। ରାସ୍ତା କଡରେ ଛିଡ଼ା ହୋଇଥିବା ଏକ ଟ୍ରକକୁ ଧକ୍କା ଦେଲା ଯାତ୍ରୀବାହୀ ବସ। ଭୟରେ ଯାତ୍ରୀ ମନେ ବସରୁ ଓହ୍ଲାଉଥିବା ବେଳେ ବସକୁ ପଛପଟୁ ଧକା ଦେଇଥିଲା ଆଉ ଏକ ଟ୍ରକ। ପରେ ଟ୍ରକକୁ ପଛରୁ ଧକ୍କା ଦେଲା ମାଲ ବୋଝେଇ ପିକଅପ ଭ୍ୟାନ। ଏହି ସିରିଜ ଦୁର୍ଘଟଣାରେ ପିକଅପ ଭ୍ୟାନ ଡ୍ରାଇଭରର ମୃତ୍ୟୁ ହୋଇଥିବା ବେଳେ ବସ ଯାତ୍ରୀ ୪ ଜଣ ଗୁରୁତ୍ତର ହୋଇଛନ୍ତି। ଦୁର୍ଘଟଣାରେ ବାପପୁଅ ୨ଜଣଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଥିବା ବେଳେ ଅନ୍ୟ ଦୁଇ ଜଣ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି। ବସଟି କୋଲକତାରୁ ଭୁବନେଶ୍ୱର ଯାଉଥିବା ସୂଚନା ମିଳିଛି।
