ନନ୍ଦିଘୋଷ ବ୍ୟୁରୋ : ଆଫଗାନିସ୍ତାନ ରାଜଧାନୀ କାବୁଲର ଏକ ହସପିଟାଲ ଉପରେ ପାକିସ୍ତାନର ଆକ୍ରମଣ। ଏଥିରେ ୪୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ୨୫୦ରୁ ଅଧିକ ଲୋକ ଆହତ ହୋଇଛନ୍ତି। ଗତ ରାତିରେ କାବୁଲର ଏହି ହସପିଟାଲ ଉପରେ ଘନ ଘନ କ୍ଷେପଣାସ୍ତ୍ର ଓ ବୋମାମାଡ଼ ହୋଇଥିଲା। ଏହି ହସପିଟାଲ ହେଉଛି ୨୦୦୦ ବେଡ୍ ବିଶିଷ୍ଟ। ବହୁ ଲୋକ ଏଥିରେ ଚିକିତ୍ସିତ ହେଉଥିବା ସମୟରେ ପାକିସ୍ତାନ ଆକ୍ରମଣ କରିଛି। ହସପିଟାଲର ବହୁ ଅଂଶ ମାଟିରେ ମିଶି ଯାଇଛି। ୪୦୦ ଲୋକଙ୍କ ମୃତ୍ୟୁ ହୋଇଥିବା ପ୍ରଥମେ କୁହାଯାଇଥିବା ବେଳେ ଏହି ସଂଖ୍ୟା ଆହୁରି ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି। ପାକିସ୍ତାନୀ ସେନା ଏକ ହସପିଟାଲକୁ ଟାର୍ଗେଟ କରିଥିବାରୁ ଏହାକୁ ତାଲିବାନ କଡ଼ା ନିନ୍ଦା କରିଛି। ଆଫଗାନିସ୍ତାନର କ୍ରିକେଟର ରସିଦ ଖାନ, ନଭିନ ଉଲ୍ ହକ୍ କଡ଼ା ନିନ୍ଦା କରିଛନ୍ତି। ସାଧାରଣ ନିରୀହ ଲୋକଙ୍କୁ ମାରି ପାକିସ୍ତାନ କଣ ପାଇବ ବୋଲି ସେମାନେ ପ୍ରଶ୍ନ କରିଛନ୍ତି।
