ଭୁବନେଶ୍ବର : କ୍ୟାମ୍ପସରେ ଛାତ୍ରୀଙ୍କ ସୁରକ୍ଷା ପାଇଁ ଉଚ୍ଚଶିକ୍ଷା ବିଭାଗ ଜାରି କଲା SOP। ଶ୍ରେଣୀ ଗୃହରେ ଲାଗିବ କାଚ କବାଟ ଓ ଝରକା। କ୍ୟାମ୍ପସରେ ରହିବନି ଆଉ ଅନ୍ଧାରୁଆ ସ୍ଥାନ। ତା ସହିତ ସୁରକ୍ଷାକୁ ମଧ୍ୟ ବୃଦ୍ଧି କରାଯିବ। ଆଭ୍ୟନ୍ତରୀଣ ଅଭିଯୋଗ କମିଟି ବା ଆଇସିସି ନଥିଲେ ସଂପୃକ୍ତ ଶିକ୍ଷାନୁଷ୍ଠାନର ମାନ୍ୟତା ବାତିଲ କରିବାର କଡ଼ା ପ୍ରାବଧାନ ରହିଛି। ଏହା ସହିତ ସେହି ଶିକ୍ଷାନୁଷ୍ଠାନକୁ ନାମଲେଖାରୁ ବାଦ୍ ଦିଆଯିବ। ଫାଟକରୁ ପାର୍କିଂ ଯାଏ ସବୁ ସ୍ଥାନ ହେବ ଆଲୋକୀକରଣ। ସିସିଟିଭି ବାଧ୍ୟତାମୂଳକ, ମହିଳାଙ୍କ ପାଇଁ ସୁରକ୍ଷିତ, ସ୍ବଚ୍ଛ ଶୌଚାଳୟ ରଖିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି।
