ନନ୍ଦିଘୋଷ ବ୍ୟୁରୋ: ବାରଙ୍ଗ ଥାନାରେ ରାକେଶ ବେହେରାଙ୍କୁ ଥାର୍ଡ ଡିଗ୍ରୀ ଘଟଣା। ପୋଲିସ ମାଡ଼ରେ ରାକେଶ ଅସୁସ୍ଥ ହେବାର ୬ ଦିନ ବିତିଥିଲେ ମଧ୍ୟ ଏବେବି ଜୀବନ ମରଣ ସହ ସଂଘର୍ଷ କରୁଛନ୍ତି ରାକେଶ । ସେପଟେ ନ୍ୟାୟ ଦାବିରେ ପରିବାର ଲୋକେ ଥାନା ଘେରାଉ ସହ ରାସ୍ତା ଅବରୋଧ ମଧ୍ୟ କରିଥିଲେ ।
ଗ୍ରାମବାସୀ ଓ ପରିବାର ଲୋକଙ୍କ ପ୍ରଶ୍ନ ଯେ କାହିଁକି ବିନା ଦୋଷରେ ରାକେଶ ପୋଲିସ ଜଙ୍ଗଲକୁ ନେଇ ମାଡ ମାରିଲା ? ରାକେଶଙ୍କୁ କାହିଁକି ଲୁଚାଉଛି ପୋଲିସ ? କାହିଁକି ରାକେଶକୁ ଦେଖା କରିବାକୁ ଦେଉନି ପୋଲିସ ? ରାକେଶ କୁ ମାଡ ମାରିବାକୁ କିଏ ଦେଇଥିଲା ଅନୁମତି ? ପୋଲିସ ଉପରେ କେବେ କାର୍ଯ୍ୟାନୁଷ୍ଠାନ ହେବ ବୋଲି ପ୍ରଶ୍ନ କରିଛନ୍ତି ଲୋକେ ।
ରାକେଶଙ୍କ ପାଖକୁ ବାପାଙ୍କ ଛଡା ଆଉ କାହାକୁ ପୋଲିସ ଯିବାକୁ ଦେଉ ନଥିବା ସହ ପୋଲିସ ଘଟଣାକୁ ଚପାଇ ଦେବାକୁ ପୁଅକୁ ଚାକିରି ଓ ଟଙ୍କା ଯାଚୁଥିବା ନେଇ ବାପା ଓ ମା ଅଭିଯୋଗ କରିଥିଲେ । ଗତକାଲି SCB ରେ ରାକେଶ ଚିକିତ୍ସିତ ହେଉଥିବା ବେଳେ ହଠାତ ପୋଲିସ ପରିବାର ଲୋକଙ୍କୁ ନ ଜଣାଇ ତାଙ୍କୁ ଅନ୍ୟତ୍ର ନେଇଯାଇଥିଲା।
ତେବେ ରାକେଶକୁ ନ୍ୟାୟ ପାଇଁ ପରିବାର ଓ ଗ୍ରାମବାସୀ ଗତକାଲି ଦିନ ୩ ଟାରୁ ରାସ୍ତା ଅବରୋଧ କରିଥିବା ବେଳେ ଚାପା ଉତ୍ତେଜେନା ଦେଖାଦେଇଥିଲା । ଉତ୍ତେଜନା କୁ ନଜର ରଖି ବାରଙ୍ଗ ଥାନା ସମ୍ମୁଖରେ ୧୦ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା ।
ଡିସିପି ପୂର୍ବରୁ ଥାର୍ଡ ଡିଗ୍ରୀ ଘଟଣାରେ ମୁହଁ ଖୋଲୁନଥିବା ବେଳେ ଗତକାଲି କହିଥିଲେ-ରାକେଶଙ୍କୁ ପଚରା ଉଚରା ପାଇଁ ଆଣିଥିଲୁ ଓ ୨୪ ତାରିଖରେ ଛାଡି ଦେଇଥିଲୁ । ପୋଲିସ ପକ୍ଷରୁ କୌଣସି ଥାର୍ଡ ଡିଗ୍ରୀ ହୋଇନାହିଁ। ସେପଟେ ଆଜି ସ୍ଥିତି ଏକ ପ୍ରକାର ସ୍ୱାଭାବିକ ଦେଖିବାକୁ ମିଳିଛି। ତେବେ ଏବେବି ଥାନାକୁ ଘେରି ରହିଛନ୍ତି ପୋଲିସ ଏବଂ ୫ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି।
