ହର୍ମୁଜରୁ ଅଦୃଶ୍ୟ ହୋଇ ଭାରତରେ ପହଞ୍ଚୁଛି ଜାହାଜ, ରହସ୍ୟ କ’ଣ ?
ନନ୍ଦିଘୋଷ ବ୍ୟୁରୋ: ଅଶାନ୍ତ ପଶ୍ଚିମ ଏସିଆ । ଆମେରିକା-ଇରାନ ଯୁଦ୍ଧର ଅଗ୍ନି କେବଳ ସାମରିକ ନୁହେଁ, ବ୍ୟବସାୟିକ ନିଆଁ ଲଗାଇଛି । ବିଶେଷ କରି ହର୍ମୁଜ ଉପରେ ଏବେ ସାରା ବିଶ୍ବର ନଜର । ଦୁଇ ଦେଶ ମଧ୍ୟରେ ସଂଘର୍ଷ ସାରା ବିଶ୍ବ ଉପରେ ପକାଇଛି ପ୍ରଭାବ । ହର୍ମୁଜ ଦେଇ ଆସୁଥିବା ଜାହାଜ ଉପରେ ଆକ୍ରମଣ ନାକେବଳ ଉକ୍ତ ଦେଶ, ବରଂ ବ୍ୟବସାୟିକ ସଂସ୍ଥଙ୍କର ବି ନିଦ ହଜାଇ ଦେଇଛି । ଆଉ ଏହାରି ଭିତରେ ଏବେ ଆସିଛି ଏକ ବଡ଼ ଖବର । ବିଶେଷ କରି ଭାରତର ତେଲ, ଗ୍ୟାସ୍ ଆମଦାନୀକୁ ନେଇ ଏଇ ଏହି ଖବର ଆସୁଛି । ମିଳିଥିବା ସୂଚନା ଅନୁସାରେ ହର୍ମୁଜରେ ପହଞ୍ଚୁ ପହଞ୍ଚୁ ଭାରତୀୟ ଜାହାଜ ହଠାତ ଅଦୃଶ୍ୟ ହୋଇଯାଇ ଭାରତରେ ପହଞ୍ଚି ଯାଉଛନ୍ତି ।
ଆଜ୍ଞା ହଁ ଠିକ ଶୁଣିଛନ୍ତି । ଭାରତୀୟ ଜାହାଜ ହର୍ମୁଜ ପାର ହେବା ବେଳେ ହଠାତ ଅଦୃଶ୍ୟ ହୋଇଯାଉଛନ୍ତି, ଆଉ ପରେ ଠିକ ସ୍ଥାନରେ ପହଞ୍ଚି ଯାଉଛନ୍ତି । କେବଳ ଭାରତ ନୁହେଁ ଅନ୍ୟ ଦେଶମାନେ ମଧ୍ୟ ଆକ୍ରମଣରୁ ବର୍ତ୍ତିବା ପାଇଁ ଏହି ପନ୍ଥା ଆପଣାଉଥିବା ଜଣାପଡିଛି ।ପ୍ରକୃତ କଥା ହେଲା, ହର୍ମୁଜ ଅତିକ୍ରମ କରିବା ସମୟରେ ତେଲ ଟ୍ୟାଙ୍କର ଗୁଡିକ ସେମାନଙ୍କ ଅଟୋମେଣ୍ଯଇକ ଟ୍ରାକିଂ ସିଷ୍ଟମ (ASI) ବନ୍ଦ କରି ଦେଉଛନ୍ତି । ଫଳରେ, ଆମେରିକା ହେଉ କି ଇରାନ ଆଉ ସେ ଜାହାଜକୁ ଟ୍ରାକ କରିପାରୁନାହାଁନ୍ତି ।
ପ୍ରଥମେ ଇରାନ ଓ ଋଷ ପରି ଦେଶ ପ୍ରଦିବନ୍ଧକରୁ ରକ୍ଷା ପାଇବାକୁ ଜାହାଜର ଟ୍ରାକିଂ ସିଷ୍ଟମ ବନ୍ଦ କରୁଥିଲେ । ଏହାକୁ ସିପିଂ ଭାଷାରେ ସ୍ୟାଡୋ ପ୍ଲିଟ କୁହାଯାଇଥାଏ । ଏବେ ସ୍ଥିତି ସମ୍ପୂର୍ଣ୍ଣ ବଦଳି ଯାଇଛି । ହର୍ମୁଜ ଏବେ ବିଶ୍ବର ସବୁଠାରୁ ଅଧିକ ସମ୍ବେଦନଶୀଳ ଅଞ୍ଚଳ ପାଲଟିଛି । ଆଉ ଏହି ଅଞ୍ଚଳ ଦେଇ ବ୍ୟବସାୟିକ ଜାହାଜ ଯିବାର ଅର୍ଥ ଆକ୍ରମଣକୁ ଆମନ୍ତୟଣ କରିବା ସଦୃଶ୍ୟ ହୋଇଛି । ଏମିତି ସ୍ଥିତିରେ କମ୍ପାନୀମାନେ ସତର୍କ ହୋଇଯାଇଛନ୍ତି । ଏପରିକି ଅଣ ପ୍ରତିବନ୍ଧକ ରାଷ୍ଟ୍ର ବି ଏବେ ଏହି ଜଳରାସ୍ତାକୁ ଲୁଚିଛପି ପାର ହେଉଛନ୍ତି । ଭୋର୍ଟ୍ରେକ୍ସା ଅନୁସାରେ ମାର୍ଚ୍ଚରୁ ମେ’ ମଧ୍ୟରେ ଏହି ରାସ୍ତା ଅତିକ୍ରମ କରିଥିବା ୫୭ ପ୍ରତିଶତ ଜାହାଜ ନିଜ ସିଷ୍ଟମ ବନ୍ଦ କରିଛନ୍ତି ।
ଭାରତରେ ସୁରକ୍ଷିତ ପହଞ୍ଚୁଛି ଜାହାଜ
ଭାରତ ପାଇଁ ଖଉସି ଖବର ହେଲା ଅଶୌଧିତ ତେଲ, ଏଲଏନଜି ଓ ଏଲପିଜି ନିୟମିତ ଭାବେ ବିନା କୌଣସି ଅବରୋଧରେ ଭାରତରେ ପହଞ୍ଚୁଛି । ଭାରତ ନିଜର ତେଲ ଆବଶ୍ୟତକାର ୪୦ ପ୍ରତିଶତ, ଏଲଏନଜି ୬୦ ପ୍ରତିଶତ ଓ ଏଲପିଜି ୯୦ ପ୍ରତିଶତ ଆମଦାନୀ ଏହି ହର୍ମୁଜ ରାସ୍ତାରେ ହିଁ ହୋଇଥାଏ । ତଥ୍ୟ ଅନୁସାରେ ଅଶୌଧିତ ତେଲ ସହ କ୍ଲିନ ପ୍ରଡକ୍ଟ ପେଟ୍ରୋଲ ଓ ଡିଜେଲ, ଏଲପିଜି ଜାହାଜ ବି ଡାର୍କ ମୋଡ ବ୍ୟବହାର କରି ଭାରତରେ ପହଞ୍ଚୁଛନ୍ତି ।
କେତେ ବିପଦଜ୍ଜନକ ଡାର୍କ ମୋଡ ଖେଳ ?
ଅନ୍ତରାଷ୍ଟ୍ରିୟ ସାମୁଦ୍ରିକ ନିୟମ ଅନୁସାରେ ଜାହାଜର ଏଆଇଏସ ସବୁବେଳେ ଚାଲୁ ରହିବା ଆବଶ୍ୟକ । ସିଷ୍ଟମ ବନ୍ଦ ହେବା ଦ୍ବାରା ଜାହାଜ ସହ ସମ୍ପର୍କ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଥାଏ । ସିଧା ଭାଷାରେ କହିବାକୁ ଗଲେ ଜାହାଜର ରାଡରରୁ ଅଦୃଶ୍ୟ ହୋଇଟାଇଥାଏ । ଏମିତି ସ୍ଥିତିରେ ସିଷ୍ଟମ ବନ୍ଦ ହେବା ଫଳରେ ହର୍ମୁଜ ପରି ଅତ୍ୟଧିକ ଟ୍ରାଫିକିଂ ରାସ୍ତାରେ ଅନ୍ୟ ଜାହାଜ ସହ ଧକ୍କା ହେବାର ସମ୍ଭାବନା ରହିଛି । ଆକ୍ରମଣ ଭୟ ତେ ଘାରିଛି ଯେ, ଏତେ ବିପଦ ଥିଲେ ବି ଜାହାଜ ଗୁଡିକ ସିଷ୍ଟମ ବନ୍ଦ କରିବା ପୂର୍ବରୁ ଥରେ ବି ଚିନ୍ତା କରୁନାହାନ୍ତି ।
