ନନ୍ଦିଘୋଷ ବ୍ୟୁରୋ : ଥମୁନି ନିଟ୍ ପ୍ରଶ୍ନପତ୍ର ଲିକ୍ ତାତି l କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିରେ ଆଜିଠାରୁ ଦିଲ୍ଲୀରେ ଅନିର୍ଦ୍ଦିଷ୍ଟ କାଳ ଅନଶନରେ ବସିବେ ବିଶିଷ୍ଟ ଜଳବାୟୁ କର୍ମୀ ସୋନମ ଓ୍ବାଙ୍ଗଚୁକ୍ l ପୂର୍ବରୁ ଏକ ଭିଡିଓ ବାର୍ତ୍ତାରେ ସୋନମ କହିଥିଲେ ଯଦି ଜୁନ 27 ସୁଦ୍ଧା ସରକାର ଦାବି ନମାନନ୍ତି ତେବେ 28ରୁ ସେ ଅନଶନରେ ବସିବେ l ପୂର୍ବରୁ ଏହି ପ୍ରସଙ୍ଗରେ ଦିଲ୍ଲୀରେ ଦୁଇ ଥର ଆନ୍ଦୋଳନ କରିଥିଲା କକରୋଚ ଜନତା ପାର୍ଟି l ଜେନେଭା ଗସ୍ତରୁ ଫେରିବା ପରେ ଏହି ନିଷ୍ପତ୍ତି ଶୁଣାଇଛନ୍ତି ସୋନମ l ସେ କହିଛନ୍ତି ଶିକ୍ଷା ଓ ଜଳବାୟୁ ଲାଗି ସେ ସଂଗ୍ରାମ ଜାରି ରଖିବେ l ବିଶେଷ କରି ଲଦାଖକୁ ରାଜ୍ୟମାନ୍ୟତା, ଏହାର ପରିବେଶ, ସଂସ୍କୃତିର ସୁରକ୍ଷା ଲାଗି ଆନ୍ଦୋଳନ କରିଆସୁଛନ୍ତି ସୋନମ l କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ଇସ୍ତଫା ସମେତ ଶିକ୍ଷା ବ୍ୟବସ୍ଥାରେ ଆମୂଳଚୂଳ ପରିବର୍ତ୍ତନ ଲାଗି ଦାବି କରୁଛନ୍ତି ସୋନମ l ନିଟ୍ ସଫଳତାର ସହ ଶେଷ ହୋଇଥିଲେ ବି ନିଜ ଜିଦରେ ଅଟଳ ରହିନ୍ତି ସୋନମ ଓ ସିଜେପି l
