ନନ୍ଦିଘୋଷ ବ୍ୟୁରୋ : ବିଭିନ୍ନ ଦାବି ନେଇ କୃଷକଙ୍କ ରଣହୁଙ୍କାର । ଚଣ୍ଡିଗର ପଞ୍ଜାବ ସୀମାରେ ସପ୍ତାହ ବ୍ୟାପି ସଂଯୁକ୍ତ କିଷାନ ମୋର୍ଚ୍ଚାର ଆନ୍ଦୋଳନ ଚେତାବନୀ । ସ୍ଥିତିକୁ ଦେଖି ଚଣ୍ଡିଗଡ଼ ଟ୍ରାଫିକ୍ ପୋଲିସ ସହରରେ ଟ୍ରାଫିକ୍ ପରିବର୍ତ୍ତନ ଏବଂ କଟକଣା ଘୋଷଣା କରିଛି । SKM ର ସଦସ୍ୟମାନେ ସେପ୍ଟେମ୍ବର ୧ ରୁ ୭ ପର୍ଯ୍ୟନ୍ତ ମୋହାଲି-ଚଣ୍ଡିଗଡ଼ ସୀମାରେ ଏକ ପ୍ରତିବାଦ କରିବେ । ଚାଷୀ ଏବଂ ରାସନକୁ ପ୍ରତିବାଦ ସ୍ଥଳକୁ ପହଞ୍ଚାଇବା ପାଇଁ ଗାଁରେ ଶହ ଶହ ଟ୍ରାକ୍ଟର-ଟ୍ରଲି ଏବଂ ଟ୍ରକ୍ ପ୍ରସ୍ତୁତ କରାଯିବା ସହିତ, ଅନେକ ଅଂଶଗ୍ରହଣକାରୀ ଟ୍ରେନ ଏବଂ ବସ୍ ଯୋଗେ ମଧ୍ୟ ସ୍ଥଳରେ ପହଞ୍ଚିଛନ୍ତି ।
ଏହାକୁ ଦୃଷ୍ଟିରେ ରଖି ପୂର୍ବ ମାର୍ଗରେ ଫୈଦାନ ବ୍ୟାରିଅରରୁ ଚଣ୍ଡିଗଡ଼ ଆଡକୁ ରାସ୍ତା ପରିବର୍ତ୍ତନ କରାଯାଇଛି । ସେକ୍ଟର ୪୮ ଲାଇଟ୍ ପଏଣ୍ଟରେ ଥିବା ଟି-ପଏଣ୍ଟରୁ, ମଦ ଦୋକାନ ନିକଟରେ ଏବଂ ସେକ୍ଟର ୪୮ ର ଆଭ୍ୟନ୍ତରୀଣ ରାସ୍ତା ଆଡକୁ ଟ୍ରାଫିକ୍ ଚଳାଚଳ ପ୍ରତିବନ୍ଧିତ ଲାଗିଛି । ବିକ୍ଷୋଭ ସମୟରେ ସୁଗମ ଟ୍ରାଫିକ୍ ଗତି ଏବଂ ଜନସାଧାରଣଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ବ୍ୟବସ୍ଥା କରାଯାଉଛି ବୋଲି କହି ପୋଲିସ ଟ୍ରାଫିକ୍ କର୍ମଚାରୀଙ୍କୁ ସହଯୋଗ କରିବାକୁ ଲୋକଙ୍କୁ ନିବେଦନ କରିଛି ପୋଲିସ ।
