ନନ୍ଦିଘୋଷ ବ୍ୟୁରୋ : ନେପାଳର ପିଛା ଛାଡୁନି ବିପତ୍ତି। ନେପାଳ-ତିବ୍ବତ ସୀମାରେ ପୁଣି ଭୂକମ୍ପ ଝଟକା ଅନୁଭୂତ ହୋଇଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୩ ରହିଥିବା ଜଣାପଡ଼ିଛି। ୟୁରୋପୀୟ-ଭୂମଧ୍ୟସାଗରୀୟ ସିସମୋଲୋଜିକାଲ ସେଣ୍ଟର (EMSC) ପକ୍ଷରୁ ଏନେଇ ସୂଚନା ଦିଆଯାଇଛି। ଭୂଗର୍ଭର ପ୍ରାୟ ୩୫ କିଲୋମିଟର ତଳେ ଭୂକମ୍ପର କେନ୍ଦ୍ରସ୍ଥଳ ରହିଥିଲା। ତେବେ ଭୂକମ୍ପ ଯୋଗୁଁ କୌଣସି କ୍ଷୟକ୍ଷତି ହୋଇଥିବା ନେଇ ଏପର୍ଯ୍ୟନ୍ତ ସୂଚନା ମିଳିନାହିଁ।
ଉଲ୍ଲେଖଯୋଗ୍ୟ, ଅଗଷ୍ଟ ୨୬ରେ ନେପାଳରେ ପ୍ରଳୟଙ୍କରୀ ଫ୍ଲାସ୍ ଫ୍ଲଡ୍ ହୋଇଥିଲା। ଗ୍ଲାସିୟର ଧସିବା ଯୋଗୁଁ ଏହି ବିପର୍ଯ୍ୟୟ ଘଟିଥିବା କୁହାଯାଇଥିଲା। ଏଥିରେ ପ୍ରାୟ ୧୩୫୦ରୁ ଅଧିକ ଲୋକଙ୍କ ଜୀବନ ଯାଇଥିବାବେଳେ ୫ ହଜାରରୁ ଅଧିକ ଲୋକଙ୍କ ଏଯାଏଁ ପତ୍ତା ମିଳିନାହିଁ। ନିଖୋଜଙ୍କ ସନ୍ଧାନ ପାଇଁ ଏବେବି ସର୍ଚ୍ଚ ଅପରେସନ ଜାରି ରହିଛି।
