ନନ୍ଦିଘୋଷ ବ୍ୟୁରୋ :ଅଦମ୍ୟ ଇଚ୍ଛାଶକ୍ତି ଓ କଠିନ ପରିଶ୍ରମ ସଫଳତାର ଶିଖରରେ ପହଞ୍ଚାଇଥାଏ l ଯାହାକୁ ପ୍ରମାଣିତ କରି ଦେଖାଇଛନ୍ତି ଗଜପତି ଜିଲ୍ଲା ମୋହନା ବ୍ଲକ ଦୁର୍ଗମ ଆଦିବାସୀ ଅଞ୍ଚଳର ପୁଅ। ସାଧାରଣ ମାଟି ଘରୁ ଆଜି ସେ ଭାରତ ସରକାରର ବରିଷ୍ଠ ବୈଜ୍ଞାନିକ-ଏଫ୍ ପଦବୀରେ ପହଞ୍ଚିପାରିଛନ୍ତି । ବୈଜ୍ଞାନିକ-ଇ ପଦରୁ ବୈଜ୍ଞାନିକ-ଏଫ୍ ପଦକୁ ପଦୋନ୍ନତି ପାଇଛନ୍ତି ଡକ୍ଟର ସତ୍ୟବାନ ବିଶୋୟୀ ରତ୍ନ। ସମଗ୍ର ଗଜପତି ଜିଲ୍ଲା ପାଇଁ ଗର୍ବ ଓ ଗୌରବ ଆଣିଛନ୍ତି । ପାହାଡ଼, ଜଙ୍ଗଲ ଓ ଦୁର୍ଗମ ପରିବେଶ ମଧ୍ୟରେ ଆର୍ଥିକ ଅନଟନ ସହ ତାଙ୍କ ପିଲାବେଳ କଟିଥିଲା। ବିଦ୍ୟୁତ, ଯୋଗାଯୋଗ ଓ ଶିକ୍ଷାର ଆଧୁନିକ ସୁବିଧାରୁ ବହୁ ଦୂରରେ ଥିବା ସେହି ଅଞ୍ଚଳରେ ରହି ମଧ୍ୟ ଆଜି ସଫଳତାର ଶିଖର ଛୁଇଁବାରେ ସମର୍ଥ ହୋଇଛନ୍ତି। ବିଦେଶରେ ୧୧ ବର୍ଷ ଧରି କାର୍ଯ୍ୟ କରିବା ପରେ ସେ ଦେଶକୁ ଫେରି ଭାରତୀୟ ପାଣିପାଗ ବିଭାଗରେ ବରିଷ୍ଠ ବୈଜ୍ଞାନିକ ଭାବେ ଯୋଗଦାନ କରିଥିଲେ ।
ବର୍ତ୍ତମାନ ବୈଜ୍ଞାନିକ-ଏଫ୍ ପଦକୁ ଉନ୍ନୀତ ହୋଇଛନ୍ତି। କେବଳ ବୈଜ୍ଞାନିକ ନୁହେଁ, ସେ ଜଣେ ଲେଖକ ଭାବେ ମଧ୍ୟ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ନିଜ ଜୀବନର ସଂଘର୍ଷ, ଦାରିଦ୍ର୍ୟ, ଅଭାବ, ଶିକ୍ଷା ପାଇଁ ସଂଗ୍ରାମ ଓ ସଫଳତାର କାହାଣୀକୁ ନେଇ ସେ ଡଜନଟ ମ୍ୟାଟର ହୋୟାର ୟୁ ବିଗିନ୍ ନାମକ ଏକ ପୁସ୍ତକ ରଚନା କରିଛନ୍ତି …l
