ନନ୍ଦିଘୋଷ ବ୍ୟୁରୋ: ଖୁବଶୀଘ୍ର ବଜାରକୁ ଆସିପାରେ ଓମଫେଡ ଆଇସକ୍ରିମ ଓ ପ୍ୟାକେଜ୍ଡ ପାଣି। ଏନେଇ ଓମଫେଡ ବୋର୍ଡରେ ଆଲୋଚନା ଚାଲିଥିବାବେଳେ ବୋର୍ଡର ଅନୁମୋଦନ ପରେ ଉଭୟ ଉତ୍ପାଦ ବଜାରରେ ଉପଲବ୍ଧ ହେବ। ମନ୍ତ୍ରୀ ଗୋକୁଳାନନ୍ଦ ମଲ୍ଲିକ କହିଛନ୍ତି, ଓମଫେଡର ଉତ୍ପାଦର ଗୁଣବତ୍ତା ଉପରେ ଗୁରୁତ୍ୱ ଦିଆଯାଉଛି ଏବଂ ତ୍ରିସ୍ତରୀୟ ଯାଞ୍ଚ ବ୍ୟବସ୍ଥା ରହିଛି। ଅପମିଶ୍ରଣ ଧରାପଡ଼ିଲେ ନିୟମ ଅନୁସାରେ କାର୍ଯ୍ୟାନୁଷ୍ଠାନ ନିଆଯାଉଛି। ଅନ୍ୟପଟେ, ଓମଫେଡ କ୍ଷୀର ଦର ଲିଟର ପିଛା ୨ ଟଙ୍କା ବୃଦ୍ଧି ହୋଇଥିବାରୁ ଏହାର ଲାଭ ଚାଷୀମାନେ ପାଇବେ ବୋଲି ମନ୍ତ୍ରୀ କହିଛନ୍ତି।
