କୋଇଲା ବୋଝେଇ ଟ୍ରେନରେ ଲାଗିଲା ନିଆଁ
ନନ୍ଦିଘୋଷ ବ୍ୟୁରୋ: କୋଇଲା ବୋଝେଇ ଟ୍ରେନର ୭ଟି ବଗିରେ ଲାଗିଲା ନିଆଁ । ବାଲେଶ୍ୱର ଜିଲ୍ଲା ସୋର ରେଳ ଷ୍ଟେସନରେ ଟ୍ରେନରେ ନିଆଁ ଲଶଗିଥିଲା । ଧାମରାରୁ ଖଡ଼ଗପୁର ଅଭିମୁଖେ କୋଇଲା ନେଇ ଯାଉଥିବା ବେଳେ ରାଣୀତାଲ ନିକଟରେ ଗାର୍ଡ ନିଆଁ ଲାଗିବା ସମ୍ପର୍କରେ ଜାଣିବାକୁ ପାଇ ସୋର ଷ୍ଟେସନ ମାଷ୍ଟରଙ୍କୁ ଖବର ଦେଇଥିଲେ ।
ଟ୍ରେନଟି ଷ୍ଟେସନର ୧ ନମ୍ବର ପ୍ଲାଟ ଫର୍ମରେ ଅଟକିବା ପରେ ସୋର ଅଗ୍ନିଶମ ବାହିନୀର କର୍ମଚାରୀ ସମସ୍ତ ବଗିର ନିଆଁ ଲିଭାଇବାକୁ ଉଦ୍ୟମ ଆରମ୍ଭ କରିଦେଇଥିଲେ । ରାତି ୨ ଟାରୁ ସକାଳ ୭ଟା ପର୍ଯ୍ୟନ୍ତ ଅଗ୍ନିଶମ ବାହିନୀର କର୍ମଚାରୀ ଲାଗି ନିଆଁ ଆୟତ୍ତ ହୋଇଥିଲା । ପରେ ଟ୍ରେନଟି ଗନ୍ତବ୍ୟ ସ୍ଥଳ ଅଭିମୁଖେ ଯାତ୍ରା କରିଛି । ଏହି ସମୟରେ ଟ୍ରେନ ଚଳାଚଳ ବନ୍ଦ କାରଣରୁ ଲୋକେ ନାହିଁ ନଥିବା ଅସୁବିଧାକୁ ସମ୍ମୁଖୀନ ହୋଇଥିଲେ ।
